Асінаўка (Крупскі раён)

Вёска Асінаўка Краіна Беларусь Вобласць Мінская Раён Крупскі Сельсавет Крупскі Каардынаты 54°25′54″ пн. ш. 29°08′45″ у. д. Насельніцтва ▼31 чал. (2009) Часавы пояс UTC+3 Тэлефонны код +375 1796 Паштовыя індэксы 2220010 Аўтамабільны код 5 Асінаўка на карце Беларусі ±

Асі́наўка (трансліт.: Asinaŭka, руск.: Осиновка) — вёска ў Крупскім раёне Мінскай вобласці. Уваходзіць у склад Крупскага сельсавета.

Да 31 сакавіка 1977 года вёска ўваходзіла ў склад Ігрушкаўскага сельсавета.

Гісторыя

За 3 кіламетры на паўночны ўсход ад вёскі, абапал старой дарогі з вёскі Асінаўка ў вёску Прошыка, размешчаны курганны могільнік (6 насыпаў). Гэты археалагічны помнік сведчыць аб засяленні тутэйшых месцаў у старажытнасці. Паводле пісьмовых крыніц вядома з 1713 года як вёска ў Худавецкім войтаўстве маёнтка Чарэя, у ёй адна валока зямлі, 6 двароў. У 1887 годзе пераважна літоўскае насельніцтва, уласнасць Эрыка Юльянавіча Шаўкоўскага, 11 двароў, 67 жыхароў. У 1904 годзе ў складзе Бобрскай воласці Сенненскага павета Магілёўскай губерні, 11 двароў, 127 жыхароў, была карчма. У 1912 годзе адкрыта земская школа, працаваў вадзяны млын.

З 1925 года вёска Крупскага раёна, спачатку ў Ігрушкаўскім, потым Крупскім сельсаветах. У 1926 годзе адкрыта літоўская пачатковая школа, у 1930 годзе пераўтворана ў беларускую. У 1929 годзе 29 двароў, 129 жыхароў. У 1930-я гады створаны калгас імя Домбаля. У 1941 годзе ў вёсцы 118 жыхароў. На франтах Вялікай Айчыннай вайны загінулі 19 чалавек. З 1950 года вёска ў складзе калгаса імя Молатава, з 1958 года — калгаса імя Колесавай. На 1 студзеня 1998 года 33 гаспадаркі, 47 жыхароў. Працуе крама. Каля вёскі брацкая магіла, пахаваны 7 воінаў, якія загінулі ў чэрвені 1944 года пры вызваленні вёскі ад нямецка-фашысцкіх акупантаў. У 1960 годзе на магіле пастаўлены абеліск.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх