Аляксандр Аляксеевіч Бельскі

Аляксандр Аляксеевіч Бельскі
Аляксандр Аляксеевіч Бельскі
Дата нараджэння	4 снежня 1932 (91 год)
Месца нараджэння	Барысаў, БССР, СССР;
Грамадзянства	Беларусь;
Альма-матар	БПІ (1958);
Месца працы	Віцебскграмадзянпраект[d]; Упраўленне архітэктуры і горадабудаўніцтва Гомельскага гарвыканкама[d]; Камітэт па архітэктуры і будаўніцтве Гомельскага аблвыканкама[d];
Партыя	КПСС;
Член у	Саюз архітэктараў СССР;
Прэміі
Узнагароды

Аляксандр Аляксеевіч Бе́льскі (нар. 4 снежня 1932, г. Барысаў) — беларускі архітэктар.

Біяграфія[правіць | правіць зыходнік]

Скончыў у 1958 годзе Беларускі політэхнічны інстытут. 3 1958 года працуе ў інстытуце «Віцебскграмадзянпраект» (архітэктар, кіраўнік групы, дырэктар, кіраўнік майстэрні, галоўны архітэктар інстытута, намеснік дырэктара па архітэктуры), у 1961—1962 гадах галоўны архітэктар Віцебска, у 1967—1974 гадах начальнік абласнога ўпраўлення па будаўніцтве і архітэктуры, з 1974 года — намеснік дырэктара па архітэктуры Віцебскграмадзянпраекта.

Творы[правіць | правіць зыходнік]

Асноўныя работы: у Наваполацку — забудова Цэнтральнай плошчы; у Віцебску — 90-кватэрны жылы дом з рэстаранам «Аўрора» (1970, у сааўтарстве), праекты забудовы і добраўпарадкавання Маскоўскага праспекта і плошчы Перамогі (1974, у сааўтарстве), будынак Дзіправадгаса^[d] (1976), навучальна-лабараторны корпус медыцынскага інстытута (1981, у сааўтарстве); помнік падпольшчыкам каля Смаленскага рынку (1967, скульптар А. Паўлючык), помнік ахвярам фашызму (1965), праекты дэталёвай планіроўкі цэнтраў і жылых раёнаў Віцебска (1973), Оршы (1967), Полацка (1965); праекты забудовы і добраўпарадкавання вул. Леніна ў Оршы, Маладзёжнай у Наваполацку; забудова в. Акцябрская саўгаса «Сялюты» (у сааўтарстве, прэмія Савета Міністраў СССР 1976), Дом культуры (1979).

Член Саюза архітэктараў СССР з 1961 года. Член КПСС з 1964 года. Пражывае ў г. Віцебску.

Узнагароды[правіць | правіць зыходнік]

Прэмія Савета Міністраў СССР (1976, у аўтарскім калектыве), узнагароджаны залатым і бронзавым медалямі ВДНГ СССР (1974, 1973).

Зноскі

Літаратура[правіць | правіць зыходнік]

Бельскі Аляксандр Аляксеевіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
Бельский Александр Алексеевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)