Байкеры

З Вікіпедыі, свабоднай энцыклапедыі
Аўстралійскія байкеры на акцыі пратэсту

Байкеры (англ.: biker, ад bikemotorbike ← motorbicycle «матацыкл») — субкультура аматараў і прыхільнікаў матацыклаў. У адрозненне ад звычайных матацыклістаў, у байкераў матацыкл з’яўляецца часткай ладу жыцця. Характэрным таксама з’яўляецца аб’яднанне з аднадумцамі на аснове гэтага ладу жыцця.

Гісторыя[правіць | правіць зыходнік]

Байкерскі рух зарадзіўся ў 1950-х гадах у ЗША, перабраўся ў Еўропу і СССР у 1970-х (у СССР у 1980-х гадах іх звалі «рокеры»), пэўны час уваходзіў у склад субкультуры, калі байкеры былі падзелены на некалькі агрэсіўных і варагуючых груповак. У Вялікабрытаніі 1950-х гадоў байкеры дзяліліся на дзве групы, якія сапернічалі адна з адной: «модаў» (en:Mod (subculture)) і «рокераў» (en:Rocker (subculture)), якія атрымалі мянушку «рокеры» па чатырохтактным рухавікам з каромыславым (рокерным) прывадам клапанаў.

Знешні выгляд байкераў[правіць | правіць зыходнік]

Стэрэатыпны знешні выгляд байкера: «касуха» (скураная куртка з замком наўскасяк) або скураная мотакуртка (часта над мотакурткай апранаецца джынсавая або скураная камізэлька без рукавоў з «кветкамі», сімволікай мотаклуба), скураныя штаны. Байкеры часта адпускаюць доўгія валасы, вусы, бароды. Для абароны вачэй ад ветра носяць акуляры, нярэдка ігнаруюць шлемы, але часам аддаюць перавагу насіць каскі ў стылі нямецкага вермахта (з рагамі ці без), радзей — у стылі арміі Кайзераўскай Германіі ў Першай сусветнай вайне. Каскі могуць быць сапраўдныя ці стылізаваныя.

Спасылкі[правіць | правіць зыходнік]