Сандра Бацічэлі
| Сандра Бацічэлі | |
 | |
| Імя пры нараджэнні: | Алесандра дзі Марыяна дзі Вані Філіпепі |
|---|---|
| Дата нараджэння: | 1 сакавіка 1445 |
| Месца нараджэння: | |
| Дата смерці: | 17 мая 1510[1] (65 гадоў) |
| Месца смерці: | |
| Месца пахавання: | |
| Род дзейнасці: | мастак, дзеяч мастацтваў |
| Жанр: | партрэт |
| Стыль: | адраджэнне |
| Вядомыя працы: |
«Вясна» «Нараджэнне Венеры» |
| Заступнікі: | Ларэнца Медычы |
| Уплыў: | Філіпа Ліпі |
| Уплыў на: | прэрафаэлітызм |
 Працы на Вікісховішчы | |
Сандра Бацічэлі (італ.: Sandro Botticelli, сапраўднае імя Алесандра ды Марыяна ды Вані Філіпепі італ.: Alessandro di Mariano di Vanni Filipepi); 1 сакавіка 1445, Фларэнцыя — 17 мая 1510) — італьянскі жывапісец, прадстаўнік тасканскай школы жывапісу ранняга Адраджэння.
Вучыўся ў Філіпа Ліпі. Раннія работы вызначаліся яснай прасторавай пабудовай, дакладным малюнкам, увагай да бытавых дэталяў. 3 канца 1470-х г. быў набліжаны да двара Медычы і гуманістычных колаў Фларэнцыі. Творчасць Сандра Батычэлі мае рысы адухоўленасці, арыстакратычнай вытанчанасці. У карцінах «Вясна» (каля 1477—1478), «Нараджэнне Венеры» (каля 1483—1484) і інш. стварыў паэтычна абагульненыя, гарманічныя вобразы, поўныя светлага летуцення. Далікатнасць фігур, лёгкія трапяткія лінейныя рытмы, празрыстасць фарбаў ствараюць атмасферу элегічнага смутку. У партрэтах з выключнай тонкасцю і вастрынёй раскрыў складаныя нюансы ўнутранага стану чалавека. На яго творчасць значна паўплывалі сацыяльныя перамены ў Фларэнцыі ў 1490-я г., што выявілася ў павышаным драматызме і экспрэсіі вобразаў, маралізатарстве і рэлігійнай экзальтацыі («Святы Себасцьян», 1474; «Пакланенне вешчуноў», 1477; «Паклёп», пасля 1495; «Сцэны з жыцця св. Зіновія», каля 1505; фрэскі «Святы Аўгусцін», 1480; серыя фрэсак з жыцця Майсея і Хрыста ў Сіксцінскай капэле Ватыкана, 1481—1482; малюнкі да «Боскай камедыі» Дантэ, 1492—1497).
Галерэя[правіць | правіць зыходнік]
Вясна
Нараджэнне Венеры
Паклёп
Містычнае Ражаство
Зноскі
- ↑ Artnet — 1998. Праверана 16 красавіка 2018.
- ↑ Union List of Artist Names — 2018. Праверана 25 кастрычніка 2018.
Спасылкі[правіць | правіць зыходнік]
| |||||||||||||||||||
|
