Борыс Пісторыюс

Борыс Пісторыюс
ням.: Boris Pistorius
Бургамістр (Оснабрук) 2006 — 2013
Дэпутат бундэсрата Германіі[d] 19 лютага 2013 — 22 лістапада 2017
Дэпутат ландтага Ніжняй Саксоніі[d] з 14 лістапада 2017
Намеснік дэпутата бундэсрата Германіі[d] 22 лістапада 2017 — 8 лістапада 2022
федэральны міністр абароны Германіі[d] з 19 студзеня 2023
Папярэднік	Крысцін Ламбрэхт[d]
Нараджэнне	14 сакавіка 1960(1960-03-14)[…] (64 гады) Оснабрук, Ніжняя Саксонія, ФРГ[…]
Маці	Урсула Пісторыюс[d]
Партыя	Сацыял-дэмакратычная партыя Германіі
Член у	Cabinet Weil I[d] Cabinet Weil II[d] Third Weil cabinet[d] Scholz cabinet[d]
Адукацыя	Вестфальскі ўніверсітэт імя Вільгельма
Аўтограф
Узнагароды
Сайт	boris-pistorius.de (ням.)
Медыяфайлы на Вікісховішчы

Борыс Людвіг Пісторыюс (ням.: Boris Ludwig Pistorius; нар. 14 сакавіка 1960, Оснабрук) — германскі палітык, член СДПГ. Федэральны міністр абароны Германіі з 19 студзеня 2023 года.

Нарадзіўся ў Оснабруку ў сям'і Людвіга і Урсулы Пісторыюс. Яго маці была членам зямельнай радзе Ніжняй Саксоніі з 1978 па 1990 год. Вывучаў паліталогію ва ўніверсітэтах Мюнстэра і Оснабрука, некаторы час вучыўся ў Заходнім каталіцкім універсітэце ў Францыі.

У 1976 годзе ўступіў у СДПГ. Ён быў асабістым дарадцам палітыка Герхарда Глагоўскі (1991—1995), а таксама намеснікам кіраўніка яго офіса (1995—1996). У 1996—2013 гадах засядаў у гарадской радзе Оснабрука, у 1999—2002 гадах займаў пасаду другога бургамістра (гэтая пасада адпавядае першаму намесніку бургамістра). У 2006 годзе стаў бургамістрам, перамогшы з 55,5% галасоў. Пасля выбараў у Ніжняй Саксоніі ў 2013 годзе стаў рэгіянальным міністрам унутраных спраў гэтай федэральнай зямлі, паралельна засядаў у Бундэсраце.

На перамовах аб фармаванні чацвёртага кааліцыйнага ўрада пад кіраўніцтвам Ангелы Меркель пасля федэральных выбараў 2017 года ўваходзіў у склад працоўнай групы па ўнутраных і прававых пытаннях, якую ўзначальвае Томас дэ Мезьер, Штэфан Маер і Гайка Маас. На выбарах кіраўніцтва СДПГ у 2019 годзе ён быў кандыдатам у сустаршыні партыі разам з Петрай Кэпінг.

Быў прапанаваны ў якасці новага федэральнага міністра абароны Германіі ў кабінеце Олафа Шольца пасля таго, як Крысцін Ламбрэхт падала ў адстаўку 17 студзеня 2023 года. Ён быў прызначаны і прыведзены да прысягі ў якасці федэральнага міністра абароны 19 студзеня 2023 года.

Спасылкі

• На Вікісховішчы ёсць медыяфайлы па тэме Борыс Пісторыюс