Боткіны

Боткіны (руск.: Боткины) — расійскі купецкі род.

Гісторыя рода

Род Боткіных паходзіць з Цвярской губерні. Іх продкамі былі пасадскія людзі горада Таропца. У 1791 годзе глава сямейства Конан Боткін разам з сынамі пераехаў у Маскву, дзе запусціў тэкстыльную вытворчасць. 22 лістапада 1801 года яго сын Пётр Конанавіч Боткін заснаваў кампанію «Пётр Боткін і Сыны», якая займалася гандлем гарбатай.

У сярэдзіне XVIII стагоддзя Расія падпісала гандлёвую дамову з Кітаем, што паклала пачатак развіццю чайнай справы ў краіне. Пётр Конанавіч адкрыў закупачную базу ў прыгранічным горадзе Кяхта, дзе непасрэдна абменьваў свой тэкстыль на кітайскую гарбату. Яго фірма хутка стала самым вядомым і буйным пастаўшчыком напою ў Маскве, а яго самога празвалі «чайным каралём». Частку прыбытку Боткін ахвяраваў на цэрквы і сіроцкія прытулкі. За дабрачынную дзейнасць яго ўзнагародзілі ордэнам Святога Уладзіміра і прысудзілі званне ганаровага грамадзяніна Масквы.

У Пятра Боткіна было 25 дзяцей ад двух шлюбаў, але дарослага ўзросту дасягнулі толькі 14. Уся сям’я жыла ў сядзібе ў Петраверыгскім завулку (сёння Музей ваеннай формы адзення), якую ён купіў у 1832 годзе.

Радавод

• Конан Апанасавіч Боткін
  • Дзмітрый Конанавіч Боткін (1760—1827)
    • Мікалай Дзмітрыевіч Боткін (1793—1860)
      • Марыя Мікалаеўна Боткіна (1825—1850)
      • Дзмітрый Мікалаевіч Боткін (1826—1902)
        • Мікалай Дзмітрыевіч Боткін (1854—?)
        • Аляксандра Дзмітрыеўна Боткіна (1855—1864)
        • Вера Дзмітрыеўна Боткіна (1856—1891)
        • Сяргей Дзмітрыевіч Боткін (1857—1879)
        • Кацярына Дзмітрыеўна Боткіна (1859—?)
      • Мікалай Мікалаевіч Боткін (1829—?)
      • Кацярына Мікалаеўна Боткіна (1831—1884)
    • Марыя Дзмітрыеўна Боткіна (1795—?)
    • Сямён Дзмітрыевіч Боткін (1800—1847)
    • Ганна Дзмітрыеўна Боткіна (1809—?)
  • Пётр Конанавіч Боткін (1781—1853) — маскоўскі купец першай гільдыі, «піянер чайнай справы ў Расіі», патомны ганаровы грамадзянін Масквы.
    • Васіль Пятровіч Боткін (1812—1869) — публіцыст і літаратурны крытык, сябраваў з В. Р. Бялінскім і А. І. Герцэнам. Аўтар «Лістоў пра Іспанію» (1847—1849).
    • Мікалай Пятровіч Боткін (1813—1869) — падарожнік і літаратар.
    • Кацярына Пятроўна Шчукіна (1824—1904) — жонка Івана Васільевіча Шчукіна (1817—1890), маці калекцыянераў Пятра, Сяргея, Дзмітрыя і Івана Шчукіных.
    • Марыя Пятроўна Шэншына (1828—1894) — жонка паэта А. А. Фета.
    • Дзмітрый Пятровіч Боткін (1829—1889) — прадпрымальнік, калекцыянер, патомны ганаровы грамадзянін. Саўладальнік гандлёвай фірмы «Пятра Боткіна сыны».
      • Сяргей Дзмітрыевіч Боткін (1869—1945) — рускі дыпламат, грамадскі дзеяч.
      • Пётр Дзмітрыевіч Боткін.
    • Пётр Пятровіч (1831—1907) — глава сямейнай фірмы пасля смерці бацькі.
      • Ганна Пятроўна Андрэева (пам. пасля 1918) — пакутавала на псіхічнае захворванне, доўгі час лячылася ў псіхіятрычнай лякарні ў Парыжы.
      • Надзея Пятроўна Астраухава (1858—1935) — жонка І. С. Астраухава.
      • Вера Пятроўна Гучкова (1862—1916) — жонка М. І. Гучкова.
    • Сяргей Пятровіч Боткін (1832—1889) — урач-тэрапеўт, лейб-медык Аляксандра II і Аляксандра III, грамадскі дзеяч. Выказаў меркаванне пра інфекцыйную прыроду катаральнай жаўтухі (гепатыта), якая пазней атрымала яго імя — «хвароба Боткіна».
      • Сяргей Сяргеевіч Боткін (1859—1910) — урач, калекцыянер жывапісу. Быў жанаты з дачкой П. М. Траццякова, Аляксандрай.
        • Аляксандра Сяргееўна Хахлова (1897—1985) — кінаактрыса, заслужаная артыстка РСФСР.
      • Яўген Сяргеевіч Боткін (1865—1918) — урач, лейб-медык царскай сям’і, святы Рускай праваслаўнай царквы. Расстраляны разам з царскай сям’ёй.
        • Дзмітрый Яўгеньевіч Боткін (1894—1914)
        • Юрый Яўгеньевіч Боткін (1896—1941)
        • Таццяна Яўгеньеўна Мельнік-Боткіна (1898—1986) — аўтар успамінаў пра царскую сям’ю.
          • Канстанцін Канстанцінавіч Мельнік (1927—2014) — французскі палітолаг і пісьменнік.
        • Глеб Яўгеньевіч Боткін (1900—1969)
      • Пётр Сяргеевіч Боткін (к. 1865—1937) — рускі дыпламат.
      • Аляксандр Сяргеевіч Боткін (1866—1936) — марскі афіцэр, вынаходнік. Быў жанаты з дачкой П. М. Траццякова, Марыяй (1875—1952).
    • Уладзімір Пятровіч Боткін (1837—1869) — быў жанаты з Аннай Яфімаўнай Гучковай.
      • Фёдар Уладзіміравіч Боткін (1861—1905) — мастак, прадстаўнік рускага сімвалізма.
    • Міхаіл Пятровіч Боткін (1839—1914) — жывапісец, аўтар карцін рэлігійнага зместу, гравёр. Напісаў кнігу пра мастака А. А. Іванова.

Літаратура

• Гавлин М. Л. Из истории российского предпринимательства: Династия Боткиных: Научно-аналитический обзор. — М.: РАН ИНИОН, 1999. — 83 с. — (Отечественная история).
• Егоров Б. Ф. Боткины. — СПб.: Наука-СПб., 2004. — 320 с. — (Преданья русского семейства). — ISBN 5-02-026860-7.

Спасылкі

• Ирина Малахова. Боткины России (руск.). Сайт «Культура.РФ». Праверана 14 сакавіка 2024.

Радавод

• Евгений Пажитнов. Родословная генеалогия рода Боткиных (руск.). Сайт «Проза.ру». Праверана 8 кастрычніка 2020.
• Радавод Боткіных на сайце «Радавод»
• Радавод Боткіных на сайце «Российский Родословный Фонд»