Павел Міхайлавіч Траццякоў

Павел Міхайлавіч Траццякоў
руск.: Третьяков, Павел Михайлович
Род дзейнасці	прадпрымальнік, мецэнат, калекцыянер мастацтва
Дата нараджэння	15 (27) снежня 1832
Месца нараджэння	Масква, Маскоўская губерня, Расійская імперыя
Дата смерці	4 (16) снежня 1898 (65 гадоў)
Месца смерці	Масква, Маскоўская губерня, Расійская імперыя
Месца пахавання	Новадзявочыя могілкі
Грамадзянства	Расійская імперыя
Бацька	Mikhail Tretyakov[d]
Маці	Aleksandra Tretyakova[d]
Жонка	Vera Nikolaevna Tretyakova[d]
Дзеці	Alexandra Pavlovna Botkina[d], Vera Pavlovna Ziloti[d], Lyubov Pavlovna Gritsenko[d], Maria Pavlovna Botkina[d] і Ivan Pavlovich Tretyakov[d]
Узнагароды і прэміі
Медыяфайлы на Вікісховішчы

Павел Міхайлавіч Траццяко́ў (15 [27] снежня 1832, Масква — 4 [16] снежня 1898, Масква) — расійскі прадпрымальнік, мецэнат, збіральнік твораў рускага выяўленчага мастацтва, заснавальнік Траццякоўскай галерэі.

У 1850-х гадах Павел Траццякоў пачаў збіраць калекцыю рускага мастацтва, якую практычна з самага пачатку планаваў перадаць гораду. Адны з першых карцін, якія ён набыў у 1856 годзе, былі працы «Спакуса» Н. Г. Шыльдэра і «Сутычка з фінляндскімі кантрабандыстамі» (1853) В. Г. Худзякова. Затым калекцыя папоўнілася карцінамі І. П. Трутнева, А. К. Саўрасава, К. А. Трутоўскага, Ф. А. Бруні, Л. Ф. Лагарыа і іншых майстроў.

У 1860-я гады Траццякоў набыў карціны «Прывал арыштантаў» В. І. Якобі, «Апошняя вясна» М. П. Клота, «Бабуліны сны» В. М. Максімава і іншыя. Высока цаніў Павел Міхайлавіч творчасць В. Р. Пярова, якому пісаў у кастрычніку 1860: «Беражыце сябе для службы мастацтву і для Вашых сяброў». У 1860-я гады былі набыты такія працы В. Пярова, як «Сельскі хросны ход на Вялікдзень», «Тройка» і «Дылетант», у далейшым Траццякоў працягвае набываць карціны Пярова, заказвае яму партрэты, актыўна ўдзельнічае ў арганізацыі пасмяротнай выставы твораў мастака.

Літаратура

• Траццяко́ў Павел Міхайлавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 523—524. — 10 000 экз. — ISBN 985-11-0035-8. — ISBN 985-11-0251-2 (т. 15).
• Третьяко́в Павел Михайлович // Популярная художественная энциклопедия. Архитектура. Живопись. Скульптура. Графика. Декоративное искусство. В 2 т. / Под ред. Полевого В. М. Ред. кол.: В. Ф. Маркузон, Д. В. Сарабьянов, В. Д. Синюков (зам. гл. ред.) — М.: Издательство «Советская энциклопедия», 1986. — Книга II. М—Я, 1986. — С. 302. — 432 с, ил., 32 л. ил. — 200 000 экз. (руск.)