Браціна

Браціна цара Аляксея Міхайлавіча. Майстэрні Маскоўскага крамля, трэцяя чвэрць XVII стагоддзя

Бра́ціна (ад «братчына» — калектыўнае частаванне) — пасудзіна шарападобнай ці пукатай формы, часта з нізкім паддонам і конусападобным вечкам. Сярэднія памеры 5—8 л.

Выкарыстоўвалася пераважна пры святочных застоллях, на памінках, складчынах, братчынах і інш. Часам у камплекце з брацінай быў набор аналагічных пасудзін малых памераў (брацінак), што выкарыстоўвалі як кубкі для пітва.

На Беларусі медныя і драўляныя браціны бытавалі ў XVI—XVIII стагоддзях. Залатыя і сярэбраныя браціны з гравіраваным ці чаканеным арнаментам вядомы ў Расіі ў XVI—XVII стагоддзях, медныя і драўляныя — у народным побыце XVI—XIX стагоддзяў. У XIX—XX стагоддзях браціна — дэкаратыўны посуд.

Літаратура

• Каранеўская І. М. Бра́ціна // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — С. 253. — 10 000 экз. — ISBN 985-11-0035-8. — ISBN 985-11-0068-4 (т. 3).
• Бра́ціна // Этнаграфія Беларусі: Энцыклапедыя / Рэдкалегія: І. П. Шамякін (гал. рэд.) і інш. . — Мн.: БелСЭ, 1989. — С. 88. — 575 с. — 20 000 экз. — ISBN 5-85700-014-9.
• Бра́тина // Т. 4. Брасос — Веш. — М. : Советская энциклопедия, 1971. — С. 5. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• Братина // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.

Спасылкі

• На Вікісховішчы ёсць медыяфайлы па тэме Браціна
• Браціна на Ганцавіцкім краязнаўча-інфармацыйным партале.