Валянціна Картэзэ

Валянціна Картэзэ
італ.: Valentina Cortese
Дата нараджэння	1 студзеня 1923(1923-01-01)
Месца нараджэння	Мілан, Італія
Дата смерці	10 ліпеня 2019(2019-07-10) (96 гадоў)
Месца смерці	Мілан, метрапольны горад Мілан[d], Ламбардыя, Італія
Месца пахавання	Міланскія манументальныя могілкі[d]
Грамадзянства	Італія
Муж	Richard Basehart[d]
Дзеці	Jackie Basehart[d]
Прафесія	кінаактрыса, тэатральная актрыса
IMDb	ID 0181305
Медыяфайлы на Вікісховішчы

Валянціна Картэзэ (італ.: Valentina Cortese; 1 студзеня 1923 — 10 ліпеня 2019) — італьянская актрыса тэатра і кіно.

Біяграфія

Картэзэ пачала здымацца ў Італіі ў 1941 годзе. Яе акцёрская кар’ера ў ЗША пачалася пасля выхаду фільма «Дом на тэлеграфным узгорку» ў 1951 годзе, у якім яна сыграла са сваім будучым мужам Рычардам Бейсхартам. Яны ажаніліся ў тым жа годзе, а праз 9 гадоў развяліся. Ад гэтага шлюбу ў Валянціны застаўся сын — акцёр Стэфана Патрыцы.

На сцэне выступала ў міланскім Тэатра Пікала, гуляла ў пастаноўках Джорджа Стрэлера. У кіно яе здымалі Жуль Дасэн, Джозеф Леа Манкевіч, Антаніёні, Феліні, Франсуа Труфо, Джозеф Лоўзі, Марыа Манічэлі, Стэнлі Крамер, Тэры Гіліям і многія іншыя буйныя рэжысёры.

У 1950 сыграла ролю князёўны Тараканавай у фільме «У цені арла», у 1962 — роля Элеаноры Дузэ ў фільме «Урач з Сан-Мікеле». У 1974 годзе за ролю ў фільме «Амерыканская ноч» яна была намінавана на «Оскар» як лепшая актрыса другога плана. Прэмія была прысуджаная Інгрыд Бергман за ролю ў фільме «Забойства ва Усходнім экспрэсе», якая, выйшаўшы на сцэну, сказала: «Гэта несправядліва. Гэтую прэмію трэба прысудзіць Валянціне Картэзэ. Яна яе заслужыла».

У 1977 годзе Картэзэ знялася ў міні-серыяле Франка Дзэфірэлі «Ісус з Назарэта», дзе згуляла Ірадыяду.

Фільмаграфія

• (1965) «Джульета і духі» — Валянціна
• (1972) «Забойства Троцкага» — Валянціна Сядова, жонка Троцкага
• (1973) «Амерыканская ноч» — Северына
• (1993) «Верабей» — ігумення