Валяр’янавыя

Валяр’янавыя
Valeriana pyrenaica
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Варсянкакветныя Сямейства:  Бружмелевыя Падсямейства:  Валяр’янавыя
Міжнародная навуковая назва
Valerianoideae Raf. (1820)
Сінонімы
Valerianaceae Batsch (1802), nom. cons.
Тыпавы род
Valeriana L. — Валяр’ян
Сістэматыка на Віківідах Выявы на Вікісховішчы GRIN   f:2956

Валяр’янавыя (Valerianoideae) — падсямейства аднагадовых і шматгадовых раслін сямейства Бружмелевыя (Caprifoliaceae), распаўсюджаных галоўным чынам ва ўмераных абласцях Амерыкі, Еўразіі і Афрыкі.

Найбольшае значэнне маюць прадстаўнікі родаў валяр’ян (Valeriana), валер’янэла (Valerianella), Patrinia (прымяняюцца разам з валяр’ян лекавы (Valeriana officinalis)) і Centranthus (дэкаратыўныя). З некаторых валяр’янавых атрымліваюць сапраўдны, або пахучы, нард — касметычны і лячэбны сродак.

Віды роду валер’янэла (Valerianella) больш вядомыя як палявая салата. Апрацоўваюць пераважна ў краінах Заходняй Еўропы і ў ЗША; лісце ўжываюць як салату.

Батанічнае апісанне

Травы, рэдка паўкусты і кусты.

Лісце супраціўнае, суцэльнае, тройчатае або рассечанае, без прылісткаў.

Кветкі двухполыя або раздзельнаполыя, часцей 5-членныя, больш ці менш асіметрычныя, радзей амаль правільныя, звычайна дробныя, у шматкветкавых складаных суквеццях. Тычынак 4 або 3-1. Гінецэй з 3 пладалісцікаў, з якіх 2 недаразвіваюцца. Завязь ніжняя.

Плод часта забяспечаны крылападобнай або пёрыстай лятучкай.

Таксанамія

Падсямейства Валяр’янавыя ўключае 14 родаў:

• Aretiastrum
• Astrephia
• Belonanthus
• Centranthus — Кентрантус
• Fedia
• Nardostachys
• Patrinia
• Phyllactis
• Plectritis
• Pseudobetckea
• Siphonella
• Stangea
• Valeriana — Валяр’янtypus
• Valerianella — Валер’янэла

Спасылкі

• Т. 4. Брасос — Веш. — М. : Советская энциклопедия, 1971. — 600 с. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• Валериановые // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
• Валяр’янавыя ў Біялагічным слоўніку