Васіль Іосіфавіч Герашчанка

З пляцоўкі Вікіпедыя
Jump to navigation Jump to search
Васіль Іосіфавіч Герашчанка
Дата нараджэння: 7 студзеня 1912(1912-01-07)
Месца нараджэння:
Дата смерці: 17 снежня 1990(1990-12-17) (78 гадоў)
Жонка: Любоў Дзмітрыеўна Усава
Дзеці: Дзмітрый Васілевіч Герашчанка
Альма-матар:
Месца працы:

Васіль Іосіфавіч Гера́шчанка (7 студзеня 1912, г. Крывы Рог — 17 снежня 1990) — беларускі архітэктар.

Біяграфія[правіць | правіць зыходнік]

Нарадзіўся 7 студзеня 1912 года ў вялікай сялянскай сям’і ў г. Крывы Рог. Бацька памёр рана, і хлопчык, как зарабіць на жыццё, працаваў парабкам, пасвіў скаціну. Пасля заканчэння сямігодкі, у 1929 г. паступіў у аграрнае вучылішча. Педагогі, пабачыўшы талент да малявання, параілі перавесціся ў Харкаўскі мастацкі тэхнікум, які ён скончыў у 1932 годзе. Пасля некалькіх гадоў вучобы ў мараходцы і працы на Харкаўскім заводзе «Серп і Молат», Васіль Герашчанка ў 1939 годзе паступіў на архітэктурны факультэт Харкаўскага інстытута камунальнай гаспадаркі. Атрымаць дыплом перашкодзіла вайна. У Ташкенце, куды быў эвакуіраваны Маскоўскі архітэктурны інстытут, Васіля Герашчанкі залічылі на архітэктурны факультэт. Увосень 1944 г. студэнты і выкладчыкі вярнуліся ў Маскву, дзе пачаліся паўнавартасныя заняткі. У красавіку 1946 г. студэнт Герашчанка абараніў дыпломную працу «Музей 800-годдзя Масквы», кансультантам па якой быў акадэмік І. У. Жалтоўскі[1].

Васіль Герашчанка жадаў вярнуцца ва Украіну, але яго накіравалі на працу ў Мінск, які быў моцна разбураны ў час вайны. Працаваў у архітэктурна-планіровачную майстэрню Мінгарвыканкама (цяпер інстытут «Мінскпраект») з невялікімі перапынкамі да 1963 года. Адначасова з 1946 года выкладаў ў будаўнічы тэхнікум, у які канчаткова перайшоў увосень 1963 года[1].

Памёр 17 снежня 1990 года[1].

Творчасць[правіць | правіць зыходнік]

Жылыя дамы Мотавелазавода па Магілёўскай шашы, дом на Прывакзальнай плошчы, інтэрнат архітэктурна-будаўнічага тэхнікума па вул. З. Бядулі, рэканструкцыя клуба тонкасуконнага камбіната, Дом мадэляў на Паркавай магістралі[1].

Сям’я[правіць | правіць зыходнік]

У шлюбе з архітэктарам Любоўю Усавай, меў 2 сыноў, Сяргея і Дзмітрыя, і малодшую дачку, таксама архітэктараў[1][2].

Зноскі

Спасылкі[правіць | правіць зыходнік]