Вацлаў Вондрак

Вацлаў Вондрак
Václav Vondrák
Дата нараджэння	22 верасня 1859(1859-09-22)[…]
Месца нараджэння	Дуб, раён Прахаціцы[d], Паўднёвачэшскі край, Чэхаславакія
Дата смерці	13 жніўня 1925(1925-08-13)[…] (65 гадоў)
Месца смерці	Брно, Мараўская зямля[d], Чэхаславакія[…]
Грамадзянства	Цыслейтанія  Чэхаславакія
Род дзейнасці	мовазнавец, педагог, перакладчык, філолаг, настаўнік, бібліятэкар
Навуковая сфера	мовазнаўства
Месца працы	Венскі ўніверсітэт Масарыкаў універсітэт
Навуковая ступень	прафесар
Альма-матар	Венскі ўніверсітэт
Навуковы кіраўнік	Франц Міклашыч
Член у	Czech Academy of Science and Art[d]
Медыяфайлы на Вікісховішчы

Ва́цлаў Во́ндрак (чэшск.: Václav Vondrák; 22 верасня 1859, Дуб, Багемія — 13 жніўня 1925, Брно) — чэшскі філолаг. Член Чэшскай акадэміі навук і мастацтва.

Біяграфія

У 1872—1880 гады наведваў гімназію ў Прахаціцах і Чэске-Будзеёвіцах, затым пераехаў у Вену. Вывучаў раманскую, а пасля славянскую філалогію пад кіраўніцтвам Франца Міклашыча ў Венскім універсітэце. У 1884 годзе атрымаў доктарскую ступень. У 1881—1891 гады працаваў прыватным выкладчыкам. З 1891 года — асістэнт, з 1893 года — прыват-дацэнт Венскага ўніверсітэта. У 1903 годзе атрымаў званне экстраардынарнага, а ў 1910 годзе — ардынарнага прафесара ў Венскім універсітэце. З 1919 года — прафесар універсітэта ў Брне.

Вондрак вывучаў стараславянскую мову, распрацоўваў пытанні паўднёва-славянскай палеаграфіі (вывучаў глаголіцу), займаўся параўнальным вывучэннем славянскіх моў. Аўтар прац «Параўнальная граматыка славянскіх моў» (т. 1—2, 1906—1908), «Утварэнне сучаснай літаратурнай чэшскай мовы» (апубл. 1926).

Літаратура

• Вондрак Вацлаў. Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).

Спасылкі

• На Вікісховішчы ёсць медыяфайлы па тэме Вацлаў Вондрак