Востраў Саона

З пляцоўкі Вікіпедыя
Перайсці да: рух, знайсці
Саона
Saona
Saona mapa be.svg
Каардынаты: 18°09′20″ пн. ш. 68°41′58″ з. д. / 18.155556° пн. ш. 68.699444° з. д. (G) (O) (Я)18°09′20″ пн. ш. 68°41′58″ з. д. / 18.155556° пн. ш. 68.699444° з. д. (G) (O) (Я)
Архіпелаг Вялікія Антыльскія астравы
Акваторыя Карыбскае мора
Краіна Flag of the Dominican Republic.svg Дамініканская Рэспубліка
Саона (Дамініканская Рэспубліка)
Саона
Саона
Плошча 110 км²
Насельніцтва 300 чал.
Шчыльнасць насельніцтва 2,727 чал./км²
Пляж
Пляж
Commons-logo.svgСаона на Вікісховішчы 


Саона (ісп.: Saona) — востраў на паўднёвым усходзе Дамініканскай Рэспублікі, уваходзіць у склад Паўднёва-Усходняга Нацыянальнага запаведніка. Займае плошчу 110 км². На востраве знаходзяцца невялікія рыбацкія вёскі. Насельніцтва - каля 300 чал.

Гісторыя[правіць | правіць зыходнік]

У старажытнасці востраў Саона быў населены плямёнамі таіна. Адкрыты Хрыстафорам Калумбам падчас другой экспедыцыі 14 верасня 1494. Названы ў гонар лігурыйскага горада Савона каля Генуі. У нашы дні паміж востравам і горадам захоўваюцца афіцыйныя сувязі. Згодна паданню, у XVI ст. падчас паўстання таіна на востраве Гаіці сюды збёг правадыр Катубанама, які, аднак, быў знойдзены і закатаваны.

Хаця востраў Саона знаходзіцца ў складзе Паўднёва-Усходняга Нацыянальнага запаведніка, тут маюцца два сталыя паселішчы і дамініканская ваенная база. У 2012 г. цікавасць да пабудовы ваеннай базы на востраве таксама выказвалі ўлады ЗША.

Геаграфія[правіць | правіць зыходнік]

Востраў Саона знаходзіцца каля паўднёва-ўсходняга ўзбярэжжа вострава Гаіці, аддзелены ад яго вузкім пралівам (1,15 км). Даўжыня - 23,9 км. Найбольшая шырыня - 6,78 км. Востраў мае складаную геалагічную гісторыю. Сфарміраваны на старажытным вулканічным заснаванні, агульным для Саоны і Гаіці. На працягу свайго існавання некалькі разоў аказваўся пад паверхняй акіяна і нагадваў падводнае плато, на якім развіваліся каралы і назапашваліся арганічныя асадкі. У нашы дні яны складаюць асноўную частку сушы.

Паверхня вострава Саона нізкая, складзеная вапнякамі. Бераг пясчаны. На Саоне шмат карставых пячор, што ў старажытнасці выкарыстоўваліся індзейцамі-таіна. Кіпрыя глебы выдатна ўсмоктваюць вільгаць, таму сталых паверхневых вадацёкаў няма. Прэсная вада назапашваецца ў падземных рэзервуарах.

Клімат трапічны пасатны. У летнія месяцы існуе пагроза ўраганаў.

Прырода[правіць | правіць зыходнік]

На тэрыторыі вострава Саона растуць каля 539 розных відаў раслін, многія з якіх эндэмікі. Водзяцца чарапахі і ігуаны, у прыбярэжных раёнах можна ўбачыць ламанцінаў і дэльфінаў, а ў цёплых водах плыткаводдзя — марскія зоркі. На востраве жывуць чайкі, галубы, зялёныя папугаі, буслы і іншыя віды птушак. Вядомыя 40 розных відаў рыб, 124 віды малюскаў, якія жывуць у прыбярэжных водах.

Спасылкі[правіць | правіць зыходнік]