Віктар Астроўскі

З пляцоўкі Вікіпедыя
Jump to navigation Jump to search
Віктар Астроўскі
Асабістыя звесткі
Дата нараджэння: 28 жніўня 1912(1912-08-28)
Месца нараджэння:
Дата смерці: 31 жніўня 1975(1975-08-31) (63 гады)
Месца смерці:
Грамадзянства:
Бацька: Радаслаў Казіміравіч Астроўскі
Альма-матар:
Літаратурная дзейнасць
Род дзейнасці: публіцыст

Віктар Астроўскі (28 жніўня 1912, в. Засімавічы, Пружанскі павет, Гродзенская губерня, цяпер Пружанскі раён, Брэсцкая вобласць — 31 жніўня 1975, Лондан, Вялікабрытанія) — беларускі грамадскі дзеяч на эміграцыі, публіцыст, картограф.

Біяграфія[правіць | правіць зыходнік]

Сын Р. Астроўскага. Вучыўся на факультэце права Віленскага ўніверсітэта імя Стэфана Баторыя, быў членам Беларускага студэнцкага саюза, арганізацыі «Скарынія». Скончыў агранамічны факультэт Пазнаньскага ўніверсітэта (інжынер-аграном). У кастрычніку 1939 г. у Вільні арыштаваны і асуджаны на 8 гадоў лагераў (срок адбываў у Варкуце, Расія). Яго маці, Антаніна Астроўская, загінула ў лагеры ў Казахстане. З канца 1941 г. у Арміі Андэрса (2-гі Польскі корпус), у складзе якой прымаў удзел у штурме Монтэ-Касіна (Італія, май 1944 г.). З 1946 г. жыў у Вялікабрытаніі, працаваў у вугальных шахтах, потым на працягу 20 гадоў — у друкарні аператарам машынаў.

Займаўся вывучэннем картаграфіі Беларусі. Аўтар шэрагу кніг па беларускай картаграфіі і старажытных назвах Беларусі, а таксама публіцыстычных брашур і артыкулаў, прысвечаных гісторыі XX ст. і скіраваных супраць апанентаў БЦР — Рада БНР. Усе кнігі выдаваў за ўласны кошт. У 1960-х гг. займаўся выданнем часопіса «Аб’еднаньне». Збіраў калекцыю картаў, якая пасля яго смерці была перададзеная ў Скарынаўскую бібліятэку.

Зноскі

Літаратура[правіць | правіць зыходнік]

  • Гардзіенка, Н. Беларусы ў Вялікабрытаніі / Наталля Гардзіенка; Рэдактар Алег Гардзіенка. — Мн.: Медысонт, 2010. — С. 520. — (Бібліятэка Бацькаўшчыны; Кніга 18).