Віцезслава Капралава

Віцезслава Капралава
Віцезслава Капралава
Асноўная інфармацыя
Імя пры нараджэнні	Vítězslava Kaprálová
Дата нараджэння	24 студзеня 1915(1915-01-24)[…]
Месца нараджэння	Брно, Мараўская марка, Землі багемскай кароны, Цыслейтанія, Аўстра-Венгрыя[…]
Дата смерці	16 чэрвеня 1940(1940-06-16)[…] (25 гадоў)
Месца смерці	Манпелье, дэпартамент Эро, рэгіён Лангедок — Русільён, Францыя
Месца пахавання	Цэнтральныя могілкі Брно[d]
Краіна	Чэхія
Бацька	Václav Kaprál[d]
Муж	Jiří Mucha[d]
Альма-матар	Нармальная школа музыкі[d] Пражская кансерваторыя Brno Conservatory[d]
Музычная дзейнасць
Педагог	Anna Holubová[d], Maxmilian Koblížek[d], Jaroslav Kvapil[d], Jaroslav Ušák[d], Gracian Černušák[d], Ludvík Kundera[d], Vilém Steinman[d], Zdeněk Chalabala[d], Osvald Chlubna[d], Vilém Petrželka[d], Багуслаў Марціну і Віцезслаў Новак
Прафесіі	дырыжорка, кампазітарка
Жанры	класічная музыка
kapralova.org
Медыяфайлы на Вікісховішчы

Віцезслава Ка́пралава (чэшск.: Vítězslava Kaprálová; 1 студзеня 1915, Брно — 16 чэрвеня 1940, Манпелье) — чэшская кампазітар і дырыжор.

Біяграфія

Віцезслава Капралава нарадзілася ў 1915 годзе ў Брно ў сям'і музыкантаў. Пачатковую музычную адукацыю атрымала ў свайго бацькі Вацлава Капралава — кампазітара і піяніста, уладальніка музычнай школы ў Брно. Маці — Вікторыя Капралава — прафесійная спявачка, выкладчык вакалу.

Віцезслава Капралава і Іржы Муха

У 1930—1935 гадах Капралава вывучала кампазіцыю і дырыжыраванне ў Кансерваторыі Брно ў Вілема Пятржэлкі і Здэнека Халабалы. У 1935 годзе, адразу пасля заканчэння кансерваторыі, Капралава прадставіла рэ-мінорны канцэрт для фартэпіяна, які ў значнай меры забяспечыў ёй поспех і прызнанне публікі. У 1935—1937 гадах працягнула навучанне ў Пражскай кансерваторыі, дзе яе галоўным настаўнікам па кампазіцыі быў прафесар Віцезслаў Новак, па дырыжыраванні — прафесар Вацлаў Таліх.

У кастрычніку 1937 года, за месяц да прэм'еры «Ваеннай сімфаніеты», Капралава пераязджае ў Парыж, каб вучыцца дырыжыраванні ў Шарля Мюнша. Першапачаткова яна планавала праходзіць навучанне ў Вене, але па рэкамендацыі Карэла Багуслава, і пасля сустрэчы з Багуславам Марціну, падчас свайго кароткага візіту ў Прагу, яна вырашыла дамагацца урадавай стыпендыі на навучанне ў Францыі.

Неўзабаве пасля гэтага, у 1938 годзе, Капралава прыняла ўдзел у фестывалі Міжнароднага таварыства сучаснай музыкі, які адбыўся ў Лондане, а 17 чэрвеня 1938 года выступіла з «Ваеннай сімфаніетай» - на гэты раз з Сімфанічным аркестрам Бі-бі-сі. Пасля гэтак паспяховых выступленняў Капралава прыязджае ў Брно на летнія вакацыі. Гэта быў яе апошні візіт дадому.

Вацлаў Капралаў, Віцезслава Капралава і Багуслаў Марціну

У 1939 годзе яна вярнулася ў Парыж, дзе пазнаёмілася са сваім будучым мужам Іржы Мухай, сынам чэшскага мастака Альфонса Мухі. Іх вяселле адбылося 23 красавіка 1940 года.

У той час, калі на Парыж ўжо наступалі нямецкія войскі, Капралавай быў пастаўлены невылечны дыягназ - міліярны туберкулёз. Памерла Віцезслава Карпалава 16 чэрвеня 1940 года ў Манпелье на поўдні Францыі, ва ўзросце 25 гадоў.

Выбраныя творы

• Пяць фартэпіянных твораў
• Легенда, сач. 3, для скрыпкі і фартэпіяна
• Дзве песні, вакальны цыкл, сач. 4
• Іскры ад попелу вакальны цыкл, сач. 5
• Студзень, для тэнар/сапрана, флейты, двух скрыпак, віяланчэлі і фартэпіяна
• Саната Апасіяната для фартэпіяна, сач. 6
• Фартэпіянны канцэрт рэ мінор, сач. 7
• Струнны квартэт, сач. 8
• Тры п'есы для фартэпіяна, сач. 9
• Яблык на каленях, вакальны цыкл, сач. 10
• Ваенная Сімфаніета, сач. 11
• Назаўжды, вакальны цыкл, сач. 12
• Прэлюдыя красавіка для фартэпіяна, сач. 13
• Памахваючы на развітанне, для голасу і фартэпіяна/аркестра, сач. 14
• Трыо для габоя, кларнета і фагота
• Ілеана, кантата для сола, змешанага хор а, аркестра і апавядальніка, сач. 15
• Варыяцыі сюр-ле-каріл'ён Сэн-Эцьен-дю-Мон, для фартэпіяна, сач. 16
• Элегія для скрыпкі і фартэпіяна, сач. 17
• Сельская сюіта для аркестра, сач. 19
• Парціты для фартэпіяна і струнных, сач. 20
• Канцэрціна для скрыпкі, кларнета і аркестра, сач. 21
• Спяваць на адлегласці, вакальны цыкл, сач. 22
• Прелюдія Раства, для камернага аркестра
• Рытурнель, для віяланчэлі і фартэпіяна, сач. 25

Дыскаграфія (выбарачна)

• Сола на фартэпіяна / Фартэпіяна і скрыпкі: The Music of Vitezslava Kapralova, CD, Koch Records KIC-CD-7742 (англ.)
• Аркестравыя і камерныя творы: Vitezslava Kapralova: Portrait of the Composer, CD, Matous MK 0049-2 011 (англ.)
• Канцэрт для фартэпіяна і іншыя творы для клавішных: Vitezslava Kapralova, CD, Radioservis CRO577-2 (англ.)
• Рамансы: Forever Kapralova: Songs, CD, Supraphon SU3752-2 231 (англ.) (чэшск.)
• Струнны квартэт: Kapral-Kapralova-Martinu, CD, Radioservis CRO618-2 (англ.) (чэшск.)

Спасылкі

• Heslo o Kaprálové (чэшск.)
• Rozhovor o Vítězslavě Kaprálové(недаступная спасылка) (чэшск.)
• The Kapralova Companion (англ.)
• Oficiální stránky skladatelky (англ.)