Ванда Лявіцкая

Ванда Лявіцкая
Ванда Лявіцкая
Асабістыя звесткі
Псеўданімы	Вясёлка і Адам Шкіляр
Дата нараджэння	25 верасня 1895(1895-09-25)
Месца нараджэння	Радашковічы, Вілейскі павет, Віленская губерня, Расійская імперыя
Дата смерці	8 снежня 1968(1968-12-08) (73 гады)
Грамадзянства	Расійская імперыя  СССР
Бацька	Ядвігін Ш.
Маці	Люцыя Аляксандраўна Лявіцкая[d]
Муж	Язэп Юр’евіч Лёсік
Прафесійная дзейнасць
Род дзейнасці	перакладчыца, паэтка, пісьменніца
Мова твораў	беларуская
Творы ў Вікікрыніцах
Медыяфайлы на Вікісховішчы

Ванда Лявіцкая, у шлюбе Лёсік (25 верасня 1895, Радашковічы, цяпер Маладзечанскі раён — 8 снежня 1968, пас. Татарка, Стаўрапольскі край, Расія) — беларуская пісьменніца, педагог.

Біяграфія

Ванда Лявіцкая -- адзіная дачка пісьменніка Ядвігіна Ш. (Антона Лявіцкага). Пасля вышэйшага пачатковага вучылішча ў Радашковічах яна рыхтавалася да экзаменаў на вясковую настаўніцу, але гэтаму перашкодзілі каталіцкае веравызнанне і пачатак Першай сусветнай вайны. З 1914 года ў Мінску, працавала ў «Беларускай кнігарні» і гарадской бібліятэцы імя А. Пушкіна, куды яе рэкамендавала А. Пашкевіч (Цётка). Потым была выхавацелькай і выкладчыцай у беларускіх дзіцячых прытулках і ў Першай мінскай беларускай школе. У 1917 Ванда Лявіцкая стала жонкай палітыка, вучонага і пісьменніка Язэпа Лёсіка. Таксама займалася літаратурнай творчасцю: друкавала вершы і апавяданні ў «Нашай Ніве», газетах «Беларусь» і «Вольная Беларусь». Калі ў 1930-я гады Лёсіка арыштавалі па справе «Саюзу вызвалення Беларусі», як толькі стала магчымым, паехала да высланага мужа, з 1933 года дзяліла з ім ссылку. Напісала ўспаміны пра бацьку. Дзеці Лёсікаў — Люцыя, Алеся і Юры — у Беларусь не вярнуліся.

Літаратура

• Саламевіч І. У. Лёсік (дзявочае Лявіцкая) Ванда Антонаўна // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — С. 232. — 10 000 экз. — ISBN 985-11-0035-8. — ISBN 985-11-0155-9 (т. 9).
• Трус М. Эпісталярны канвалют: Ядвігін Ш. у сямейна-творчым інтэр’еры // Маладосць. ‒ 2024. ‒ № 3. ‒ С. 79‒88.
• Трус М. Знічкі [Люцыя Лявіцкая і Ванда Лёсік — жонка і дачка пісьменніка Ядвігіна Ш. (1869—1922)] // Літаратура і мастацтва. ‒ 14.06.2024. — № 22 (5283). — С. 10.

Спасылкі

• Імёны Свабоды: Ванда Лявіцкая Архівавана 14 чэрвеня 2024.
• ЛЯВІЦКАЯ (па мужу Лёсік) Ванда Антонаўна