Галіна Іванаўна Захаркіна

Галіна Іванаўна Захаркіна
Галіна Іванаўна Захаркіна
Дата нараджэння	28 ліпеня 1946 (78 гадоў)
Месца нараджэння	Варонеж, Варонежская вобласць, РСФСР, СССР;
Род дзейнасці	архітэктарка
Месца працы	Брэсцкі інжынерна-будаўнічы інстытут; Полацкі дзяржаўны ўніверсітэт імя Ефрасінні Полацкай;
Навуковая ступень	кандыдат архітэктуры (1983)
Навуковае званне	дацэнт (1983);
Альма-матар	архітэктурны факультэт БНТУ (1970);

Галіна Іванаўна Захаркіна (нар. 28 ліпеня 1946, г. Варонеж, Расія) — беларускі архітэктар. Кандыдат архітэктуры (1983), дацэнт (1983).

Біяграфія

Нарадзілася 28 ліпеня 1946 года ў Варонежы. Руская па нацыянальнасці. Бацька — ваенны, калі Галіне было шэсць гадоў, яго перавялі ў Беларусь. Маці — ветэран працоўнага фронту, у час Вялікай Айчыннай вайны сямнаццацігадовай дзяўчынкай працавала вадзіцелем грузавой машыны. Галіна скончыла сярэднюю школу № 12 горада Бабруйска. Займалася ў кружцы малявання ў гарадскім Доме піянераў і школьнікаў^[1].

З першага разу паступіць ў Беларускі політэхнічны інстытут на спецыяльнасць «Архітэктура» не ўдалося. Працавала на Бабруйскім заводзе РТВ. Ёй прапаноўвалі мэтавае навучанне па спецыяльнасці «Хімія», але яна адмовілася і з другога разу паспяхова паступіла на архітэктуру^[1].

Скончыла ў 1970 годзе архітэктурны факультэт Беларускага політэхнічнага інстытута. У 1970—1972 гадах па размеркаванні працавала асістэнткай кафедры архітэктуры ў Брэсцкім інжынерна-будаўнічым інстытуце. Тут пазнаёмілася Юрыем Бакаліным, які працаваў на кафедры фізікі і займаўся тэхналогіямі шклаэмалевых пакрыццяў. Ён пісаў дысертацыю на сушуканне ступені доктара тэхнічных навук і звярнуўся да загадчыка кафедры з просьбай даць яму ў памочнікі архітэктара, бо для яго было важна ўлічыць архітэктурнае бачанне прымянення гэтага матэрыялу ў архітэктуры і будаўніцтве. У памочніцы была выбрана Захаркіна. Праз два гады працы ў інстытуце ёй вылучылі месца для паступлення ў мэтавую аспірантуру. Скончыла аспірантуру ў 1975 годзе, абараніўшы дысертацыю «Праектаванне і прымяненне архітэктурна-будаўнічых вырабаў з эмаляванага металу»^[1].

З 1975 года па размеркаванні ў Полацкім дзяржаўным універсітэце, дзе пазнаёмілася з будучым мужам Леанідам Фёдаравічам Калмыкавым^[1]. Дацэнт кафедры будаўнічых канструкцый, з 2003 года на кафедры архітэктуры, у 2003—2014 — загадчыца кафедры.

Навуковыя інтарэсы: архітэктурнае праектаванне; рэканструкцыя будынкаў і збудаванняў.

Рэпрэсіі

У межах распачатага пасля прэзідэнцкіх выбараў 2020 года тэрору супраць любой нелаяльнасці да рэжыму Лукашэнкі затрымана 25 мая 2023 года і аштрафавана на 2 960 рублёў (80 базавых велічыняў)^[2].

Сям’я

У шлюбе з Леанідам Фёдаравічам Калмыкавым (пам. 1994), кандыдатам тэхнічных навук.

Зноскі

[psu-1] а ^б ^в ^г Г. И. Захаркина: «Главное помнить, что архитектор работает для людей!» 28 июля 2016

[2] 77-гадовую Галіну Захаркіну аштрафавалі на 2 960 рублёў // Вясна / Правы чалавека ў Беларусі

[1]

[2]