Галіна Аляксандраўна Флікоп-Світа
| Галіна Аляксандраўна Флікоп-Світа | |
|---|---|
| Дата нараджэння | 13 лістапада 1984 (39 гадоў) |
| Месца нараджэння | |
| Род дзейнасці | мастацтвазнаўца |
| Месца працы | |
| Навуковая ступень | кандыдат мастацтвазнаўства (2014) |
| Альма-матар | |
Галіна Аляксандраўна Флікоп-Світа (нар. 13 лістапада 1984, Ліда) — беларуская гісторык мастацтва. Спецыялістка па іканаграфіі ўніяцкіх храмаў Беларусі XVII—XIX стагоддзяў. Кандыдат мастацтвазнаўства (2014)[1]. Старшы навуковы супрацоўнік Цэнтра даследаванняў беларускай культуры, мовы і літаратуры Нацыянальнай акадэміі навук Беларусі[2][3].
Біяграфія
[правіць | правіць зыходнік]Скончыла ў 2007 годзе Беларускі дзяржаўны ўніверсітэт культуры і мастацтваў па спецыяльнасці «мастак народных рамёстваў». З 2007 па 2009 гады працавала дырэктарам Лылойцінскага цэнтральнага дома культуры Смаргонскага раёна[1].
У 2009 годзе скончыла магістратуру Еўрапейскага гуманітарнага ўніверсітэта, у 2010 годзе скончыла магістратуру Інстытута падрыхтоўкі навуковых кадраў НАН Беларусі[1].
У 2012—2018 гадах старшы навуковы супрацоўнік Нацыянальнага гістарычнага музея Рэспублікі Беларусь[1].
У 2013 годзе скончыла аспірантуру Цэнтра даследаванняў беларускай культуры, мовы і літаратуры НАН Беларусі. У 2014 годзе абараніла кандыдацкую дысертацыю на тэму «Мастацкія і іканаграфічныя асаблівасці іканапісу грэка-каталіцкіх храмаў Беларусі XVII — першай паловы XIX ст.». З 2013 года навуковы супрацоўнік аддзела старажытнабеларускай культуры Цэнтра даследаванняў беларускай культуры, мовы і літаратуры НАН Беларусі[1].
Навуковая дзейнасць
[правіць | правіць зыходнік]Даследуе рэлігійнае мастацтва, іканаграфію ўніяцкіх храмаў Беларусі XVII—XIX стагоддзяў. Аўтарка больш як 50 навуковых публікацый.
Сям’я
[правіць | правіць зыходнік]У шлюбе з Іванам Світам. Выхоўвае дачку Апалінарыю.
Бібліяграфія
[правіць | правіць зыходнік]Кнігі
[правіць | правіць зыходнік]- Флікоп-Світа Г. А. Беларускі іканапіс XVI — першай паловы XX ст. [Выяўленчы матэрыял] : альбом / навуковы рэдактар Б. А. Лазука ; фота М. П. Мельнікава. — Мн.: Беларуская навука, 2019. — 365 с. — ISBN 978-985-08-2437-0.
- Флікоп-Світа Г. А. Іканастасы і алтары грэка-каталіцкіх храмаў Беларусі XVII — першай трэці XIX ст.: з электронным дадаткам. — Мн.: Беларуская навука, 2021. — 343 с. — ISBN 978-985-08-2781-4.
Абраныя артыкулы
[правіць | правіць зыходнік]- Флікоп-Світа Г. А. Іканастасы храмаў Вялікага Княства Літоўскага ў святле пісьмовых крыніц XVI ст. // Архіварыус. Зборнік навуковых паведамленняў і артыкулаў : часопіс. — Мн.: НГАБ, 2020. — В. 18. — С. 183—195. — ISSN 2225-4412. Архівавана з першакрыніцы 16 мая 2022.
- Флікоп-Світа Г. А. Бабіцкія іканапісцы другой паловы ХІХ – пачатку ХХ ст. Гаўрыла і Уладзімір Гераковы: род, сям’я, дзейнасць // Архіварыус. Зборнік навуковых паведамленняў і артыкулаў : часопіс. — Мн.: НГАБ, 2023. — В. 21. — С. 241—283. — ISSN 2225-4412. Архівавана з першакрыніцы 20 снежня 2023.
Зноскі
- ↑ а б в г д Марозаў 2022.
- ↑ Даследчыца з Акадэміі навук пачала знаёміць у сеціве са старажытнымі беларускімі абразамі. Першы – Маці Божай Снежнай. katolik.life (7 сакавіка 2023). Праверана 20 снежня 2023.
- ↑ Флікоп-Світа Г. А. Бабіцкія іканапісцы другой паловы ХІХ – пачатку ХХ ст. Гаўрыла і Уладзімір Гераковы: род, сям’я, дзейнасць // Архіварыус. Зборнік навуковых паведамленняў і артыкулаў : часопіс. — Мн.: НГАБ, 2023. — В. 21. — С. 275. Архівавана з першакрыніцы 20 снежня 2020.
Літаратура
[правіць | правіць зыходнік]- ФЛІКОП-СВІТА Галіна Аляксандраўна // Сучасныя беларускія даследчыкі гісторыі Вялікага Княства Літоўскага : біябібліяграфічны даведнік / С. П. Марозаў. — Гродна-Каўнас: ЮрСаПрынт, 2022. — 290 с. — ISBN 978-985-7257-57-7, 978-609-96340-1-2.
Спасылкі
[правіць | правіць зыходнік]- Старонка на academia.edu
| Тэматычныя сайты | |
|---|---|
| Нарматыўны кантроль | NUKAT: n2020212508 · VIAF: 272146094254900331547, 23164959308624020237, 243154380949730290592 · ЗЭКББ: SEK-ar7580908 |
