Ганна Іванаўна Басава

Ганна Іванаўна Басава
Дата нараджэння	15 красавіка 1956(1956-04-15) (68 гадоў)
Месца нараджэння	Грэск, Грэскі сельсавет, Грэскі раён, Мінская вобласць, БССР, СССР
Грамадзянства	СССР  Беларусь
Род дзейнасці	мовазнаўца
Месца працы	Енскі ўніверсітэт імя Фрыдрыха Шылера Лейпцыгскі ўніверсітэт філалагічны факультэт БДУ Факультэт павышэння кваліфікацыі і перападрыхтоўкі БДУ
Навуковая ступень	кандыдат філалагічных навук
Навуковае званне	дацэнт
Альма-матар	філалагічны факультэт БДУ

Ганна Іванаўна Басава (нар. 15 красавіка 1956, пас. Грэск, Слуцкі раён, Мінская вобласць) — беларускі мовазнавец. Кандыдат філалагічных навук (1981), дацэнт (1989).

Біяграфія

Нарадзілася 15 красавіка 1956 года ў пасёлку Грэск. Скончыла ў 1978 годзе філалагічны факультэт БДУ па спецыяльнасці «Руская і беларуская мова і літаратура», у 1981 годзе аспірантуру.

У 1982 годзе абараніла кандыдацкую дысертацыю на тэму «Аказіянальныя словы ў сучаснай беларускай мастацкай гаворцы» (навуковы кіраўнік прафесар Л. М. Шакун).

У 1998—2004 гадах працавала дацэнткай у Інстытуце славістыкі Універсітэта імя Фрыдрыха Шылера ў Ене (Германія), да 2002 года па сумяшчальніцтве дацэнткай Інстытута славістыкі Лейпцыгскага ўніверсітэта, у 1981—1998 гадах дацэнткай кафедры беларускай мовы, у 2004—2008 гадах кафедры стылістыкі і літаратурнага рэдагавання філалагічнага факультэта БДУ, у 2008—2018 — дэкан факультэта павышэння кваліфікацыі і перападрыхтоўкі кадраў Інстытута журналістыкі, 2018—2020 — намеснік дэкана факультэта павышэння кваліфікацыі і перападрыхтоўкі БДУ, з 2020 — прафесар кафедры медыялінгвістыкі і рэдагавання, намеснік дэкана факультэта журналістыкі па прафарыентацыйнай дзейнасці, з 2021 - прафесар кафедры тэхналогій камунікацыі і сувязей з грамадскасцю.

Навуковая дзейнасць

Навуковыя інтарэсы: мова і стыль СМІ; журналістыка; кампаратывістыка; міжкультурная камунікацыя.