Інстытут журналістыкі БДУ

З пляцоўкі Вікіпедыя
Перайсці да: рух, знайсці
Інстытут журналістыкі
Беларускі дзяржаўны ўніверсітэт
Инжур1.jpg
Заснаваны

1944

Дэкан

Сяргей Валянцінавіч Дубовік

Месцазнаходжанне

Сцяг Беларусі Беларусь, Мінск, вул. Кальварыйская, 9

journ.bsu.by

Інстытут журналістыкі БДУ – структурнае падраздзяленне Беларускага дзяржаўнага ўніверсітэта.

Гісторыя[правіць | правіць зыходнік]

1 лістапада 1944 года ў Мінску на філалагічным факультэце БДУ было адкрыта першае ў СССР аддзяленне журналістыкі, якое ўзначаліў Давід Фактаровіч. У 1946 годзе яно было пераўтворана ў кафедру журналістыкі (на чале з М. С. Зерніцкім), якая функцыянавала на філалагічным факультэце БДУ. У 1949 годзе адбыўся першы выпуск студэнтаў з дымломамі журналістаў.

У 1967 годзе на базе кафедры быў створаны самастойны факультэт журналістыкі БДУ, які ўзначаліў Рыгор Булацкі.

З 1 верасня 2008 года журфак БДУ быў ператвораны ў Інстытут журналістыкі БДУ. Інстытут складаецца з двух факультэтаў: факультэта журналістыкі і факультэта падвышэння кваліфікацыі і перападрыхтоўкі кадраў. Дырэктар Інстытута журналістыкі БДУ — Сяргей Валянцінавіч Дубовік.

Акадэмічныя свабоды[правіць | правіць зыходнік]

У 2008 года з трэцяга курсу з фармулёўкай «за акадэмічную непаспяховасць» быў адлічаны Франак Вячорка. Фармальным чыннікам адлічэння стала тое, што студэнт не змог своечасова здаць сесію: у гэты час Ф. Вячорка адбываў 15-сутачны адміністрацыйны арышт па абвінавачванні ў дробным хуліганстве, якое ён здзейсніў 16 студзеня ў будынку суда Цэнтральнага раёна Мінска, дзе праходзіў працэс па справе актывісткі моладзевага дэмакратычнага руху Юліі Сіўцовай.

15 кастрычніка 2010 года з 5-га курса быў адлічаны Алег Ануфрыенка, паводле афіцыйнай версіі, за пропускі заняткаў. Перад прэзідэнцкімі выбарамі Ануфрыенка выканаў ролю ўнука ў роліку «Схавай пашпарт бабулі», які ў жартаўлівай заклікаў не даць старэйшаму пакаленню прагаласаваць за Аляксандра Лукашэнку[1]. Кіраўніцтва Інстытута адмаўляе сувязь паміж ролікам і адлічэннем, звяртаючы ўвагу на тое, што відэа з’явілася ў інтэрнэце пазней (8 лістапада) за загад аб адлічэнні[2]. Аднак пра сваё адлічэнне Ануфрыенка даведаўся толькі 15 снежня[3].

У 2011 годзе, пасля зімовай сесіі, з 5-га курса была адлічана «за акадэмічную непаспяховасць» Каця Клімко, якая адбыла 10 сутак арышту пасля ўдзелу ў масавай акцыі пратэсту ў Мінску супраць вынікаў прэзідэнцкіх выбраў[4].

У 2014 годзе «за акадэмічную непаспяховасць» быў адлічаны Мікіта Семяненка, сябра Руху «За Свабоду»[5].

У пачатку 2017 года з другога курсу была адлічана Ганна Смілевіч, якая за месяц да таго была абраная старшынёй «Моладзі БНФ». Яна не здала тры экзамены ў сесіі, што фармальна азначае адлічэнне студэнта. Паводле словаў Смілевіч, некаторыя выкладчыкі прызналіся, што да іх прыходзілі людзі з КДБ і цікавіліся яе асобай[6].

Спецыяльнасці[правіць | правіць зыходнік]

  • Журналістыка (друкаваныя СМІ)
  • Журналістыка (аўдыёвізуальная)
  • Журналістыка (вэб-журналістыка)
  • Журналістыка (менеджмент СМІ)
  • Інфармацыя і камунікацыя (тэхналогіі камунікацыі)
  • Міжнародная журналістыка
  • Літаратурная праца (рэдагаванне)
  • Літаратурная праца (творчасць)

Кафедры[правіць | правіць зыходнік]

У Інстытуце журналістыкі дзейнічае 9 кафедраў:

  • Тэорыі і метадалогіі журналістыкі
  • Гісторыі журналістыкі
  • Сацыялогіі журналістыкі
  • Стылістыкі і літаратурнага рэдагавання
  • Перыядычнага друку
  • Тэлебачання і радыёвяшчання
  • Замежнай журналістыкі і літаратуры
  • Тэхналогій камунікацыі
  • Літаратурна-мастацкай крытыкі

Дэканы[правіць | правіць зыходнік]

Вядомыя выпускнікі[правіць | правіць зыходнік]

У сеціве[правіць | правіць зыходнік]

  1. «Унука» з роліку «Схавай пашпарт бабулі» адлічылі з унівэрсытэту
  2. Акцёра з роліка «Схавай пашпарт бабулі» адлічылі за «хвасты», а не за палітыку
  3. «Унука» з роліку «Схавай пашпарт бабулі» адлічылі з унівэрсытэту
  4. Па праграме Каліноўскага паедуць толькі «некалькі дзесяткаў» + ТОП гучных адлічэньняў
  5. Чарговы студэнт адлічаны за грамадскую актыўнасць
  6. Студэнтку, якая ўзначаліла «Моладзь БНФ», адлічваюць з БДУ