Ганна Соўсь

Ганна Соўсь
Род дзейнасці	журналістка
Месца нараджэння	Мінск
Грамадзянства	Беларусь
Месца працы	Народная Воля Беларуская служба Радыё «Свабода»
Альма-матар	факультэт журналістыкі БДУ
Узнагароды і прэміі	Прэмія імя Алеся Адамовіча Журналіст года[d]

Ганна Соўсь (нар. 23 мая ?, г. Мінск) — беларуская журналістка.

Біяграфія

Нарадзілася ў Мінску. Скончыла факультэт журналістыкі Беларускага дзяржаўнага ўніверсітэта. Працавала ў 1997—2000 гадах у незалежнай газеце «Народная воля», з 2000 — на Радыё Свабода.

Дзейнасць

Удзельніца, укладальніца, рэдактарка кніг «Бібліятэкі Свабоды» «Дарога праз Курапаты», «Адзін дзень палітвязня», «Адзін дзень палітвязня. 2009—2011», «Жыццё пасля раку». Аўтарка тэлевізійнага праекта «Расея і я» — серыі інтэрв’ю з 12 экс-прэзідэнтамі постсавецкіх краін. Вядучая штотыднёвай перадачы «Толькі жанчыны», рэдактарка​ аднайменнай суполкі ў Фэйсбуку.

Узнагароды

Ляўрэатка прэміі Алеся Адамовіча Беларускага ПЭН-цэнтра за цыкл рэпартажаў з урочышча Курапаты ў часе будаўніцтва там кальцавой дарогі (2002). Пераможца конкурсу прадстаўніцтва ААН у Беларусі за публікацыі супраць гвалту над жанчынамі (1999). У 2019 годзе была прызнаная беларускай праваабарончай супольнасцю Журналісткай года.