Гарыет Бічэр-Стоу

З пляцоўкі Вікіпедыя
Jump to navigation Jump to search
іншыя значэнні У Вікіпедыі ёсць артыкулы пра іншых асоб з прозвішчам Бічэр.
іншыя значэнні У Вікіпедыі ёсць артыкулы пра іншых асоб з прозвішчам Стоу.
Гарыет Бічэр-Стоу
Harriet Beecher Stowe
Beecher-Stowe.jpg
Асабістыя звесткі
Імя пры нараджэнні: Гарыет Элізабет Бічэр
Дата нараджэння: 14 чэрвеня 1811(1811-06-14)
Месца нараджэння:
Дата смерці: 1 ліпеня 1896(1896-07-01) (85 гадоў)
Месца смерці:
Грамадзянства:
Бацька: Ліман Бічэр[d][1][5][…]
Муж: Кэлвін Эліс Стоўв[d]
Літаратурная дзейнасць
Род дзейнасці:
празаік, паэт
Жанр: раман, паданне[d] і апавяданне
Мова твораў: амерыканскі варыянт англійскай мовы і англійская мова[7]
Узнагароды:
Commons-logo.svg Выявы на Вікісховішчы


Га́рыет Элі́забет Бі́чэр-Стоу (англ.: Harriet Elizabeth Beecher Stowe; 14 чэрвеня 1811, Лічфілд, Канектыкут, ЗША — 1 ліпеня 1896, Хартфард, Канектыкут, ЗША) — амерыканская пісьменніца, аўтар знакамітага раману «Хаціна дзядзькі Тома».

Біяграфія[правіць | правіць зыходнік]

Гарыет Элізабет нарадзілася ў сям'і вядомага багаслова і прапаведніка Лімана Бічэра. Малодшы брат Генры Уорд Бічэр таксама стаў прапаведнікам. Выхоўвалася ў пурытанскай традыцыі і непрыняцці рабства. Доўгі час будучая пісьменніца была настаўніцай у заснаванай яе сястрой школе для дзяўчынак. У 1836 выйшла замуж за Кельвіна Эліса Стоу, прафесара багаслоўя ў Андаверы (Масачусетс).

У сваіх літаратурных творах яна выступіла гарачай заступніцай жаночай адукацыі і знішчэння рабаўладання. Самы вядомы раман Гарыет Бічэр-Стоу — «Хаціна дзядзькі Тома» (1852) — у першы ж год разышоўся ў Амерыцы тыражом 350 000, а агулам у 600 000 асобнікаў, вытрымаў 35 выданняў у Англіі і быў перакладзены на 20 моў. У адказ на праклёны і абвінавачанні, якія пасыпаліся на Бічэр-Стоу за гэту казань вызвалення неграў з боку рабаўладальнікаў і іх паплечнікаў, яна выдала «Ключ» («Key to uncle Tom’s Cabin»), у якім яскрава засведчыла, што сюжэт для раману ўзяты ёю наўпрост з жыцця, часта нават да мізэрных падрабзянасцей.

Пісала таксама вершы, пераважна на рэлігійныя тэмы. У 1869 надрукавала ў адным амерыканскім часопісе артыкул «Сапраўдная гісторыя жыцця жонкі Байрана», у якім узвяла на вялікага паэта абвінавачанне ў пералюбным сужыцці са зводнай сястрой. Артыкул выклікаў усеагульнае абурэнне ў Амерыцы і Еўропе, і хоць Бічэр-Стоу намагалася апраўдацца і пацвердзіць абвінавачанне новымі фактамі ў кнізе «Lady Byron vindicated» (Бостан, 1869), аднак ёй ніхто не паверыў, і ўся гэтая гісторыя можа быць патлумачаная толькі пурытанскай нецярплівасцю асяроддзя, у якім Бічэр-Стоу жыла з часу свайго замужжа.

Дом у Брансуіку (штат Мэн), дзе была напісана «Хаціна дзядзькі Тома», знаходзіцца ў спісе найістотных славутасцей ЗША.

Бібліяграфія[правіць | правіць зыходнік]

Зноскі

  1. ↑ 1,0 1,1 Blain V., Grundy I., Clements P. The Feminist Companion to Literature in English — С. 1036. — ISBN 978-0-300-04854-4
  2. ↑ 2,0 2,1 http://web.archive.org/web/20170323042012/http://jeugdliteratuur.org/auteurs/harriet-beecherstowe
  3. ↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #118618784 // Агульны нарматыўны кантроль — 2012—2016. Праверана 30 снежня 2014.
  4. ↑ http://www.britannica.com/EBchecked/topic/567810/Harriet-Beecher-Stowe
  5. ↑ Бичер-Стоу, Гарриэт // Энциклопедический словарь / под ред. И. Е. Андреевский — СПб.: Брокгауз—Ефрон, 1891. — Т. IV. — С. 19.
  6. ↑ Beecher, Lyman // 1911 Encyclopædia Britannica — 11 — New York City: 1911. — Vol. 3. — P. 640.
  7. ↑ data.bnf.fr: платформа адкрытых дадзеных — 2011. Праверана 10 кастрычніка 2015.

Спасылкі[правіць | правіць зыходнік]

commons: Гарыет Бічэр-Стоу на Вікісховішчы

Шаблон:Нацыянальная зала славы жанчын ЗША

Узята з "https://be.wikipedia.org/w/index.php?title=Гарыет_Бічэр-Стоу&oldid=3050785"