Георгій Квірыкашвілі

Георгій Квірыкашвілі груз. გიორგი კვირიკაშვილი
Прэм’ер-міністр Грузіі
30 снежня2015 — 13 чэрвеня 2018
Прэзідэнт	Георгій Маргвелашвілі
Папярэднік	Іраклій Гарыбашвілі
Пераемнік	Мамука Бахтадзэ
Міністр замежных спраў Грузіі
1 верасня 2015 — 30 снежня 2015
Прэм’ер-міністр	Іраклій Гарыбашвілі
Прэзідэнт	Георгій Маргвелашвілі
Папярэднік	Тамара Беручашвілі
Пераемнік	Міхаіл Джанелідзэ
Міністр эканомікі і ўстойлівага развіцця Грузіі
25 кастрычніка 2012 — 1 верасня 2015
Прэм’ер-міністр	Бідзіна Іванішвілі Іраклій Гарыбашвілі
Прэзідэнт	Міхаіл Саакашвілі Георгій Маргвелашвілі
Папярэднік	Вераніка Кабалія
Пераемнік	Дзмітрый Кумсішвілі
Партыя	Грузінская мара—Дэмакратычная Грузія (з 2012).
Адукацыя	Ілінойскі ўніверсітэт[d] Tbilisi State Medical University[d] Тбіліскі дзяржаўны ўніверсітэт Ілінойскі ўніверсітэт ва Урбана-Шампейн[d]
Дзейнасць	эканаміст, палітык, урач
Нараджэнне	20 лістапада 1967 Тбілісі, Грузінская ССР, СССР
Аўтограф

Георгій Джэмалавіч Квірыкашвілі (груз. გიორგი კვირიკაშვილი; нар. 20 ліпеня 1967 года, Тбілісі, Грузінская ССР) — грузінскі палітычны і дзяржаўны дзеяч, 30 снежня 2015 — 20 чэрвеня 2018 — былы прэм’ер-міністр Грузіі.

Адукацыя

У 1984 годзе скончыў фізіка-матэматычную школу-інтэрнат ім. В. Н. Камарова. У 1984-1991 гг. вучыўся ў Тбіліскім дзяржаўным медыцынскім універсітэце на тэрапеўта. У 1986-1988 гг. прызываўся на абавязковую вайсковую службу ў савецкай арміі. У 1990-1995 гг. праходзіў навучанне Тбіліскім дзяржаўным універсітэце імя Івана Джавахішвілі на факультэце эканомікі, па спецыяльнасці — планаванне прамысловасці. У 1997-1998 рр. вучыўся ў Ілінойскім універсітэце, атрымаў ступень магістра навук у галіне фінансаў.

Гісторыя

• 1993-1996 гг. — пачаў фінансавую кар'еру ў «Аб’яднаным Грузінскім Банку». Даслужыўся да намесніка начальніка крэдытнага дэпартамента.
• 1996-1997 гг. — віцэ-прэзідэнт «Экспарт-Імпарт Банка».
• 1997-1998 гг. — дырэктар філіяла дэпартамента кіравання «Аб’яднанага Грузінскага Банка».
• З 1999 года працаваў у дзяржаўнай канцылярыі намеснікам начальніка фінансавай, грашова-крэдытнай і знешнеэканамічнай службы, пазней — кіраўніком групы развіцця малога і сярэдняга бізнесу агульнай праграмы Урада Грузіі і USAID;
• 1999-2004 гг. — член парламента Грузіі, намеснік старшыні Камітэта па пытаннях эканамічнай палітыкі. Пасля ружовай рэвалюцыі і прыходу да ўлады Міхаіла Саакашвілі, сышоў з дзяржаўнай працы, вярнуўшыся ў бізнес.
• 2004-2006 гг. — кансультант выканаўчай дырэкцыі Першага Камерцыйнага Банка.
• 2006-2011 гг. — генеральны дырэктар «Карту Банка».
• 25 кастрычніка 2012 года становіцца міністрам эканомікі і ўстойлівага развіцця ў новым урадзе Грузіі на чале з Бідзінай Іванішвілі.
• 1 верасня 2015 года прызначаны на пасаду міністра замежных спраў Грузіі.
• 30 снежня 2015 года Георгій Квірыкашвілі стаў прэм’ер-міністрам Грузіі, пасля таго як парламент Грузіі на пленарным пасяджэнні зацвердзіў яго кандыдатуру і падтрымаў прапанаваны ім склад Урада.
• 13 чэрвеня 2018 года Квірыкашвілі абвясціў аб сваёй адстаўцы, выконваў абавязкі прэм’ера да 20 чэрвеня 2018.

Спасылкі

• Біяграфія Георгія Квірыкашвілі
• У Грузіі прызначылі новага кіраўніка МЗС
• Новым прэм'ерам Грузіі стаў Георгій Квірыкашвілі