Кветнік

Кветнік у Батанічным садзе ў Мінску

Рабатка з макаў

Кве́тнік — участак з пасадкамі кветкава-дэкаратыўных раслін, прызначаны для ўпрыгожвання садоў, паркаў, двароў, сядзіб і інш.

У залежнасці ад формы, памераў і складу раслін вылучаюць: бардзюры, клумбы, міксбордары, партэры, рабаткі, жывыя агароджы; элементам кветніка можа быць газон, які з’яўляецца фонам для кветкавых раслін; кветнік ландшафтнага (вольнага) стылю — альпінарый. Кветнікі спалучаюць з малымі архітэктурнымі формамі (фантанамі, альтанкамі, дэкаратыўным машчэннем і інш.) або ствараюць з раслін аднаго ці некалькіх відаў (сартоў). Расліны падбіраюць з улікам гарманічнага спалучэння афарбоўкі і памераў кветак і лісця, тэрмінаў і працягласці цвіцення, кліматычных, ландшафтных і іншых умоў.

Літаратура

• Кветнік // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).

Спасылкі

• На Вікісховішчы ёсць медыяфайлы па тэме Кветнік