Георгій Лаўрэнцьевіч Лаўроў

Георгій Лаўрэнцьевіч Лаўроў
Дата нараджэння	29 снежня 1895 (10 студзеня 1896)
Месца нараджэння	Балахняты, Вяземскі павет, Смаленская губерня, Расійская імперыя
Дата смерці	24 мая 1967(1967-05-24) (71 год)
Месца смерці	Масква, РСФСР, СССР
Альма-матар	Вышэйшыя мастацка-тэхнічныя майстэрні (1926)
Медыяфайлы на Вікісховішчы

Будынак Ленінскай бібліятэкі ў Мінску (1930—1932) на паштовай марцы

Георгій Лаўрэнцьевіч Лаўроў (29 снежня 1895 (10 студзеня 1896), в. Балахняты, цяпер Смаленская вобласць, Расія — 24 мая 1967, Масква) — савецкі беларускі архітэктар.

Біяграфія

Вучыўся ў маскоўскім ВХУТЕМАС (1922—1926). У 1926—1928 працаваў у Маскве, у 1928—1934 гадах — галоўным архітэктарам у НККГ БССР у Менску, з 1934 года — у Маскве.

Творчасць

Праект Дзяржаўнай бібліятэкі архітэктара Георгія Лаўрова, канец 1920-х гадоў. Масіўнае кнігасховішча ў левай частцы будынка ў выніку так і не было пабудаванае

Будынак бібліятэкі Беларускай дзяржаўнай сельскагаспадарчай акадэміі

Сярод праектаў Г. Л. Лаўрова жылгарадок Трохгорнай мануфактуры ў Маскве (1926—1928, сааўтары — архітэктар Г. Я. Вальфензон, інжынер В. А. Мураўёў), клінічны (1928—1930) і ўніверсітэцкі (1928—1931) гарадкі, галоўны корпус і карпусы факультэтаў БДУ, бібліятэку імя У. І. Леніна (1930—1932), будынак Політэхнічнага інстытута (1934) у Менску, будынак драматычнага тэатра і кінатэатра ў Оршы (1930—1932), вучэбны корпус, інтэрнат на 1000 чалавек і бібліятэка Беларускай сельскагаспадарчай акадэміі ў Горках Магілёўскай вобласці (1930—1933), дом адпачынку ў Алушце (1939—1941, сааўтар В. В. Жараў), кінастудыя «Новая Албанія» ў Тыране (1952—1953), кінастудыі ў Алма-Аце, Ашхабадзе, Фрунзе (1956—59, у сааўт.), кінатэатры ў Сафіі (1951—1955, сааўтар В. І. Воранаў) і Бухарэсце (1952—1956, сааўтар М. І. Транквіліцкі).

Праект бібліятэкі імя У. І. Леніна не ажыццявіўся ў поўным аб’ёме.

Асабісты фонд Г. Л. Лаўрова (BY БГАНТД ф. 112, 20 адз. зах.) захоўваецца ў Беларускім дзяржаўным архіве навукова-тэхнічнай дакументацыі.

Літаратура

• Лаўроў Георгій Лаўрэнцьевіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
• Лавров Георгий Лаврентьевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
• Беларуская энцыклапедыя. У 18 т. Т. 9. — Мн., 1999.
• Большая Советская энциклопедия: В 30 т. 3-е изд. — М., 1969—1978. — Т. 14. — С. 91.
• Васілеўскі П. Недабудаваны шэдэўр Георгія Лаўрова // Культура. № 40 (1114), 5-11 кастр. 2013.