Георгій Міхайлавіч Бенядзіктаў

Георгій Міхайлавіч Бенядзіктаў
руск.: Георгий Михайлович Бенедиктов
Дата нараджэння	8 лістапада 1916(1916-11-08)
Месца нараджэння	Саратаў, Саратаўская губерня, Расійская імперыя
Дата смерці	18 лістапада 1992(1992-11-18) (76 гадоў)
Месца смерці	Мінск, Беларусь
Грамадзянства	Беларусь
Альма-матар	Ленінградскі інстытут жывапісу, скульптуры і архітэктуры (1943)
Месца працы	Упраўленне па справах архітэктуры пры СНК БССР Вопытна-канструктарскае бюро пры камбінаце «Мінгандальмантаж» Белдзяржпраект
Член у	Саюз архітэктараў СССР
Узнагароды

Георгій Міхайлавіч Бенядзіктаў (8 лістапада 1916, Саратаў — 18 лістапада 1992, Мінск) — беларускі савецкі архітэктар. Заслужаны архітэктар БССР (1969). Удзельнік Вялікай Айчыннай вайны.

Біяграфія і творчасць

Удзельнік Вялікай Айчыннай вайны. У 1943 годзе скончыў Ленінградскі інстытут жывапісу, скульптуры і архітэктуры імя Рэпіна. З 1946 г. працаваў у Мінску. Працаваў ва Упраўленні па справах архітэктуры пры СМ БССР, кіраўніком брыгады ў беларускім філіяле Саюздзіпрагандлю (1948—1954 гг.), у 1954-79 гадах галоўным архітэктарам праектаў, кіраўніком майстэрні ў Белдзяржпраекце.

Член Саюза архітэктараў СССР з 1946 года.

Пражываў у Мінску.

Творчасць

Дом прафесійных саюзаў

Музей гісторыі Вялікай Айчыннай вайны

Гасцініца «Юбілейная» ў Мінску

Асноўныя працы (у аўтарскім калектыве): будынак Цэнтральнага НДІ механізацыі і электрыфікацыі сельскай гаспадаркі (1957), гасцініца «Буг» (1958) у Брэсце, Белдзяржфілармонія (1963; сумесна з Э. Вішнеўскай), Палац культуры Мінскага трактарнага завода (1965; сумесна з Э. Вішнеўскай), Музей гісторыі Вялікай Айчыннай вайны (1967; сумесна з Г. Заборскім), вылічальны цэнтр ЦСУ БССР (1967), гасцініцы «Юбілейная» (1968; сумесна з У. Начаравым) і «Планета» (1980), Беларускі рэспубліканскі савет прафсаюзаў (1982) — усе ў Мінску; гасцініцы «Магілёў» у Магілёве, «Інтурыст» у Брэсце (1974; сумесна з В. Астаповічам).

Узнагароды

Узнагароджаны ордэнам Працоўнага Чырвонага Сцяга (1966).

Літаратура

• Бенедиктов Георгий Михайлович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)