Дамінік Рудніцкі

Дамінік Рудніцкі
Асабістыя звесткі
Дата нараджэння	28 ліпеня 1676(1676-07-28)
Месца нараджэння	Вялікае Княства Літоўскае або Вільня, Віленскі павет, Віленскае ваяводства, Вялікае Княства Літоўскае
Дата смерці	10 кастрычніка 1739(1739-10-10) (63 гады)
Месца смерці	Варшава, Варшаўская зямля[d], Мазавецкае ваяводства, Велікапольская правінцыя, Карона Каралеўства Польскага, Рэч Паспалітая
Грамадзянства	Рэч Паспалітая
Альма-матар	Віленскі ўніверсітэт
Месца працы	Слуцкі езуіцкі калегіум Гарадзенскі езуіцкі калегіум Мсціслаўскі езуіцкі калегіум Навагрудскі езуіцкі калегіум
Прафесійная дзейнасць
Род дзейнасці	пісьменнік, паэт
Мова твораў	беларуская
Творы ў Вікікрыніцах

Дамінік Рудні́цкі (польск.: Dominik Rudnicki; 4 жніўня 1676, Усходняя Беларусь — 10 кастрычніка 1739) — беларускі і польскі пісьменнік.

Біяграфічныя звесткі

Паходзіў з беларускай шляхты. Вучыўся ў Віленскай езуіцкай акадэміі (каля 1694). Настаўнічаў у езуіцкіх калегіумах Слуцка, Горадні, Мсціслава, Новагародка. 3 1720 у Варшаве, пракуратар Літоўскай правінцыі езуітаў. 3 1730 у Нясвіжы.

Творчасць

У рукапісных зборніках Д. Рудніцкага (вядомыя з публікацыяў А. Брукнера і У. Ператца, загінулі ў Варшаве ў 1944) акрамя польскіх было 9 беларускіх вершаваных твораў, напісаных ім, або народных, апрацаваных. У іх праявіліся рысы позняга барока: алегорыя, гратэск, марнасць і хуткаплыннасць жыцця. Адчуваецца арыентацыя на народную песню. Аўтар інтэрмедый на польскай мове, казанняў, зборніка «Свабодны голас у вершаванай форме» (выд. 1741).

Ім створана алегарычная сістэма вобразаў у вершаваным сатырычным цыкле «Звярыныя гратэскі» (творы «Ваенны паход грыбоў», «Птушыны баль», «Камара з дуба цяжкі ўпадак» і інш.).

Літаратура

• Мальдзіс А. І. На скрыжаванні славянскіх традыцый. — Мн., 1980. — С. 72-78, 116—126.
• Eustachiewicz M. Twórczość Dominika Rudnickiego. Wrocław, 1966.
• Мальдзіс А. В. Рудніцкі Дамінік // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 430. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).