Джон Уэслі Паўэл

Джон Уэслі Паўэл
John Wesley Powell
Дата нараджэння	24 сакавіка 1834(1834-03-24)[…]
Месца нараджэння	Mount Morris[d], акруга Лівінгстан[d], штат Нью-Ёрк, ЗША
Дата смерці	23 верасня 1902(1902-09-23) (68 гадоў)
Месца смерці	North Haven[d], акруга Нокс, Мэн, ЗША
Месца пахавання	Арлінгтонскія нацыянальныя могілкі[d]
Грамадзянства	ЗША
Жонка	Emma Dean Powell[d]
Дзеці	Mary Dean Powell[d]
Род дзейнасці	падарожнік-даследчык, мовазнавец, ваенны, геолаг, батанік, географ, пісьменнік, картограф
Навуковая сфера	прыродазнаўчыя навукі
Месца працы	Геалагічная служба ЗША Смітсанаўскі інстытут Illinois Wesleyan University[d] Універсітэт штата Ілінойс
Альма-матар	Абярлінскі каледж Каледж Ілінойса[d] Уітан-каледж[d]
Вядомы як	даследчык ракі Каларада і Вялікага каньёна
Член у	Грэчаскае філалагічнае таварыства Канстанцінопаля[d] Амерыканская акадэмія мастацтваў і навук Амерыканская асацыяцыя садзейнічання развіццю навукі Нацыянальная акадэмія навук ЗША
Подпіс
Медыяфайлы на Вікісховішчы

Джон Уэслі Паўэл (англ.: John Wesley Powell; 24 сакавіка 1834 — 23 верасня 1902) — амерыканскі географ, геолаг і этнолаг, даследчык ракі Каларада і Вялікага каньёна.

Біяграфія

Нарадзіўся ў горадзе Маўнт-Морыс, штат Нью-Ёрк у сям’і англійскага эмігранта. Юнацкія гады правёў у Ілінойсе, дзе атрымаў класічную адукацыю. З дзяцінства цікавіўся геаграфіяй і батанікай, вандраваў на лодцы па рэках Ілінойс, Агая, Місісіпі.

У 1861 г. паступіў на службу саюзнай арміі ў якасці афіцэра артылерыі. Быў паранены, пазбаўлены правай рукі ніжэй за локаць, але вярнуўся ў армію і скончыў грамадзянскую вайну ў званні маёра. У 1865 г. заняў пасаду прафесара геалогіі ў каледжы Ілінойс, курыраваў мясцовы музей.

У 1867—1869 гг. і 1871—1872 гг. арганізоўваў і ўзначальваў навуковыя экспедыцыі ў раён Скалістых гор, даследаваў і апісаў раку Каларада і Вялікі Каньён.

У 1880—1894 гг. узначальваў Геалагічную службу ЗША. Пад уплывам Л. Г. Моргана зацікавіўся навуковымі даследаваннямі жыцця індзейцаў, стаў першым дырэктарам Бюро амерыканскай этналогіі Смітсанаўскага інстытута. Увёў у навуковы зварот тэрмін «акультурацыя» як псіхалагічныя змены пад уздзеяннем вонкавага культурнага ўплыву.

Пасля смерці пахаваны на Арлінгтонскіх Нацыянальных могілках.

Памяць

У гонар Джона Уэслі Паўэла названы мінерал паўэліт, шэраг навуковых і навучальных устаноў у штатах Вірджынія, Каларада і Арызона, вадасховішча на рацэ Каларада, пік у Скалістых гарах.

Спасылкі

• The Powell Museum: Lake Powell travel and historical information
• John Wesley Powell — Utah History to Go — Utah.gov Архівавана 1 мая 2017.