Дзмітрый Данілавіч Брэжнеў

Дзмітрый Данілавіч Брэжнеў
Дмитрий Данилович Брежнев
Дата нараджэння	25 кастрычніка (7 лістапада) 1905
Месца нараджэння	1-е Пісклава[d], Курскі павет[d], Курская губерня, Расійская імперыя
Дата смерці	4 красавіка 1982(1982-04-04) (76 гадоў)
Месца смерці	Ленінград, РСФСР, СССР
Месца пахавання	Кунцаўскія могілкі[d]
Грамадзянства	Расійская імперыя  СССР
Род дзейнасці	батанік
Навуковая сфера	раслінаводства, генетыка, селекцыя раслін
Месца працы	Усесаюзны інстытут раслінаводства
Навуковая ступень	доктар сельскагаспадарчых навук
Навуковае званне	акадэмік УАСГНІЛ
Альма-матар	Варонежскі сельскагаспадарчы інстытут
Партыя	КПСС
Член у	ЦК КПСС
Прэміі
Узнагароды	Медаль «За доблесную працу ў Вялікай Айчыннай вайне 1941-1945 гг.»

Дзмітрый Данілавіч Брэжнеў (руск.: Дмитрий Данилович Брежнев; 25 кастрычніка (7 лістапада) 1905 — 4 красавіка 1982) — савецкі вучоны ў галіне раслінаводства, генетыкі і селекцыі раслін, акадэмік УАСГНІЛ (1956), доктар сельскагаспадарчых навук (1953), прафесар (1954). Заслужаны дзеяч навукі РСФСР. Герой Сацыялістычнай Працы (1975).

Біяграфія

Нарадзіўся ў сяле Пісклава Курскай губерні (зараз у Курскай вобласці Расіі). У 1933 годзе скончыў Варонежскі сельскагаспадарчы інстытут. Працаваў на Ахтубінскай занальнай доследнай станцыі, у 1934—1936 гг. дырэктарам Грыбаўскай селекцыйна-доследнай станцыі. У 1936 годзе, па запрашэнню М. І. Вавілава, паступіў у аспірантуру Усесаюзнага інстытута раслінаводства УАСГНІЛ (УІР) у Ленінградзе, якую скончыў у 1939 годзе. У 1939—1940 гг. праходзіў службу ў РСЧА. Адначасова ў 1937—1941 гг. займаў пасаду загадчыка Аддзела гароднінных культур УІР. Удзельнік Вялікай Айчыннай вайны з 1941 года. У 1944—1945 гг. лектар палітааддзела 7-й арміі. Пазней маёр Брэжнеў на пасадзе намесніка начальніка курсаў малодшых лейтэнантаў. У 1946—1950 гг. Д. Д. Брэжнеў зноў на пасадзе загадчыка Аддзела гароднінных культур УІР. З 1950 г. на дзяржаўнай і партыйнай рабоце — намеснік старшыні Ленінградскага аблвыканкама, сакратар Ленінградскага абкама ВКП(б). У 1952—1954 гг. зноў загадчык Аддзела гароднінных культур УІР, у 1954—1956 гг. другі сакратар Ленінградскага абкама КПСС. У 1956—1961 і 1968—1973 гг. Д. Д. Брэжнеў першы віцэ-прэзідэнт УАСГНІЛ, у 1956—1961 гг. і з 1970 г. галоўны рэактар часопіса «Вестник сельскохозяйственной науки». З 1966 года на пасадзе дырэктара Усесаюзнага інстытута раслінаводства імя М. І. Вавілава. Дэпутат Вярхоўнага Савета РСФСР 4-га склікання.

Памёр Д. Д. Брэжнеў 4 красавіка 1982 г. Пахаваны ў Маскве на Кунцаўскіх могілках.

Навуковая дзейнасць

Д. Д. Брэжневу належаць працы па даследаванню агароднінных культур, у т.л. таматаў. Пад яго кіраўніцтвам распрацавана сістэма насенняводства цяплічных сартоў агароднінных культур. Пад кіраўніцтвам Д. Д. Брэжнева створаны новыя лабараторыі ў Інстытуце раслінаводства, Нацыянальнае сховішча насення. Аўтар больш за 450 навуковых прац, у т.л. каля 20 кніг і брашур. Д. Д. Брэжневу належаць 12 патэнтаў на сарты і гібрыды таматаў.

Узнагароды

• Медаль «Серп і Молат» Героя Сацыялістычнай Працы
• 2 ордэны Леніна
• ордэн Кастрычніцкай Рэвалюцыі
• 3 ордэны Працоўнага Чырвонага Сцяга
• ордэн Айчыннай вайны 2-й ступені
• ордэн Чырвонай Зоркі
• ордэн «Знак Пашаны»
• медаль «За доблесную працу ў Вялікай Айчыннай вайне 1941—1945 гг.»
• Сталінская прэмія (1952)
• медалі

Званні і ўдзел у міжнародных навуковых арганізацыях

• Акадэмік Акадэміі сельскагаспадарчых навук Германіі (1960)
• Член Міжнароднага савета па генетычным рэсурсам раслін Харчовай і сельскагаспадарчай арганізацыі ААН (1970)
• Ганаровы член Усеамерыканскай асацыяцыі раслінаводаў (1968)
• Член праўлення Еўрапейскай навуковай асацыяцыі па селекцыі раслін EUCARPIA (1968)
• Ганаровы член Французскай сельскагаспадарчай акадэміі (1971)
• Член Венгерскай акадэміі навук (1972)
• Ганаровы доктар Будапешцкага ўніверсітэта (1969)

Літаратура

• Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш.. — Мн.: БелЭн, 1996. — Т. 3. — 511 с. — 10 000 экз. — ISBN 985-11-0068-4 (т. 3).

Спасылкі

• Дзмітрый Данілавіч Брэжнеў на сайце «Героі краіны»
• Біяграфія на сайце Усерасійскага інстытута раслінаводства імя М. І. Вавілава Архівавана 27 жніўня 2016. (руск.)