Дом па Савецкай вуліцы, 79 (Бабруйск)

Славутасць
Дом па Савецкай вуліцы, 79
53°08′14″ пн. ш. 29°13′28″ у. д.
Краіна	Беларусь
Месцазнаходжанне	Бабруйск
Архітэктурны стыль	неакласіцызм
Дата пабудовы	XX стагоддзе
Статус	Гісторыка-культурная каштоўнасць Беларусі, шыфр 513Г000069
Медыяфайлы на Вікісховішчы

Дом па Савецкай вуліцы, 79 — будынак у Бабруйску. Пабудаваны ў пачатку XX ст. у стылі неакласіцызму. У будынку размешчаная дзіцячая стаматалагічная паліклініка.

Архітэктура

Фрагмент фасада

Маскарон

Цагляны аднапавярховы П-падобны ў плане будынак пад вальмавым дахам. Сіметрычна-восевая кампазіцыя галоўнага атынкаванага фасада падкрэслена трыма рызалітамі. Цэнтральны рызаліт, уваходны праём якога вылучаны лучковай навіссю на вітых жалезных кранштэйнах, завершаны фігурным атыкам, дэкарыраваны ляпным картушам, бакавыя — камбінаваным (трохвугольны франтон і прамавугольны атык). Строеныя прамавугольныя вокны галоўнага фасада дэкарыраваны пластычнымі ліштвамі з ляпнымі гірляндамі і валютамі. Вулічны фасад апрацаваны рустыкай, аконтураны філёнгавым цокалем і карнізам на дэнтыкулах.

Літаратура

• А. М. Кулагін. Бабруйскія жылыя дамы // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.

Спасылкі

• На Вікісховішчы ёсць медыяфайлы па тэме Дом па Савецкай вуліцы, 79 (Бабруйск)