Дом па праспекце Незалежнасці, 43

Славутасць
Дом па праспекце Незалежнасці, 43
53°54′45″ пн. ш. 27°34′44″ у. д.
Краіна	Беларусь
Горад	Мінск
Архітэктурны стыль	канструктывізм[d] і савецкі класіцызм
Архітэктар	Герасім Васілевіч Якушка
Будаўніцтва	1936—1937 гады
Статус	Гісторыка-культурная каштоўнасць Беларусі, шыфр 712Г000191
Медыяфайлы на Вікісховішчы

Дом па праспекце Незалежнасці, 43 — жылы дом у Мінску. Пабудаваны ў 1936—1937 гг. з цэглы па праекце архітэктара Герасіма Якушкі. Архітэктура будынка — прыклад спалучэння элементаў канструктывізму і класіцыстычнай спадчыны.

Архітэктура

Кампазіцыя будынка складаецца з 5 розных па памерах і архітэктурным вырашэнні аб’ёмаў. Цэнтральны аб’ём мае сіметрычную будову. Вось сіметрыі падкрэслена лесвічнай клеткай з вертыкальным стужкавым шкленнем. Па баках ад яе пяціпавярховыя секцыі і шасціпавярховыя рызаліты з балконамі; вуглавыя часткі на 2—4-м паверхах вылучаны стылізаваным спрошчаным ордарам. Пры дапамозе аб’ёмаў-звязак да цэнтральцай часткі далучаны амаль сіметрычныя бакавыя аб’ёмы, якія па сваёй структуры і дэкоры нагадваюць цэнтральны. Невысокі левы аб’ём-звязка мае праезд на ўзроўні 1-га паверха. Правы аб’ём-звязка — жылы пяціпавярховы будынак з эркерамі, які значна адрозніваецца ад астатніх частак. 1-ы паверх, дзе размешчаны прадпрыемствы гандлю і майстэрні, апрацаваны рустам, уваходы падкрэслены нішамі. Вокны прамавугольныя, на 6-м паверсе — з паўцыркульным завяршэннем. Планіроўка жылых секцый індывідуальная.

Літаратура

• Т. В. Габрусь. 157. Жылы дом // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.

Спасылкі

• На Вікісховішчы ёсць медыяфайлы па тэме Дом па праспекце Незалежнасці, 43
• ДОМ, В КОТОРОМ Я ЖИВУ. История легендарного жилого здания на пр. Независимости, 43. 30 января 2021 Архівавана 26 лютага 2021.