Дубавіца (Буда-Кашалёўскі раён)

Вёска Дубавіца Краіна Беларусь Вобласць Гомельская Раён Буда-Кашалёўскі Сельсавет Акцябрскі Каардынаты 52°41′19″ пн. ш. 30°44′41″ у. д. Першая згадка 1920-я Колькасць двароў 29 Насельніцтва 43 чалавекі (2004) Часавы пояс UTC+3 Тэлефонны код +375 2336 Аўтамабільны код 3 СААТА 3205864013 Дубавіца на карце Беларусі ±

Дубаві́ца (трансліт.: Dubavica, руск.: Дубовица) — вёска ў Буда-Кашалёўскім раёне Гомельскай вобласці. Уваходзіць у склад Акцябрскага сельсавета.

На ўсходзе ўрочышча Лосева.

Геаграфія

Размяшчэнне

У 14 км на паўднёвы ўсход ад раённага цэнтра і чыгуначнай станцыі Буда-Кашалёўская (на лініі Жлобін — Гомель), 25 км ад Гомеля.

Гідраграфія

На поўдні меліярацыйны канал, паміж вуліцамі невялікі вадаём.

Транспартная сетка

Транспартныя сувязі па прасёлкавай дарозе, затым па шашы Доўск — Гомель. Планіроўка складаецца з дзвюх прамалінейных вуліц, арыентаваных з паўднёвага ўсходу на паўночны захад і злучаных завулкамі на поўначы і поўдні. Забудова драўляная, сядзібнага тыпу.

Гісторыя

Заснавана напачатку 1920-х гадоў перасяленцамі з суседніх вёсак на былых памешчыцкіх землях. У 1929 годзе арганізаваны калгас. На франтах Вялікай Айчыннай вайны загінулі 29 жыхароў вёскі. У 1959 годзе ў складзе саўгаса «Дуравіцкі (цэнтр — вёска Дуравічы).

Да 1 снежня 2009 года вёска ўваходзіла ў склад Дуравіцкага сельсавета.

Насельніцтва

Колькасць

• 2004 год - 29 гаспадарак, 43 жыхара.

Дынаміка

• 1959 год - 309 жыхароў (паводле перапісу).
• 2004 год - 29 гаспадарак, 43 жыхара.

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. - Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх