Закерзонне

З пляцоўкі Вікіпедыя
Jump to navigation Jump to search
Закерзонне

Закерзонне - нефармальны пашыраны ва Ўкраіне тэрмін для тэрыторыі, якая знаходзіцца на захад ад лініі Керзана і ўваходзяць у склад Польшчы і дзе да Другой сусветнай вайны пераважала ўкраінскае або ўкраінскамоўнае насельніцтва.

У склад Закерзоння ўваходзяць Перамышльская зямля, Лемкаўшчына, Падляшша, Надсанне, Сокальшчына і Холмшчына. Агульная плошча Закерзоння складае каля 19,5 тысяч кв. км. Згодна з умовамі савецка-польскай дамовы ад 16 жніўня 1945 г. (нязначна змененыя савецка-польскай дамовай 1951) гэтыя землі адышлі да Польшчы.

У 1944—1946 гадах каля 480 тысяч украінцаў было пераселена ў СССР. Паралельна ішло перасяленне палякаў (як мяркуюць, у значнай колькасці гэта былі паланізаваныя русіны) з тэрыторыі СССР у Польшчу.

У 1947 годзе ў выніку правядзення аперацыі «Вісла» каля 150 тысяч украінцаў былі дэпартаваныя з Закерзоння ў паўночныя раёны Польшчы, атрыманыя пасля вайны ад Нямеччыны (г. зв. «вернутыя землі»).

Глядзі таксама[правіць | правіць зыходнік]

Спасылкі[правіць | правіць зыходнік]

Літаратура[правіць | правіць зыходнік]

  • Омелян Німець. Короткий довідник Закерзоння. — Косів: Писаний Камінь, 2011. — 156 с.
Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.