Зінаіда Іванаўна Браварская

Зінаіда Іванаўна Браварская
Дата нараджэння	31 жніўня 1916(1916-08-31)
Месца нараджэння	Херсонская губерня, Расійская імперыя
Дата смерці	18 лютага 2005(2005-02-18) (88 гадоў)
Месца смерці	Мінск, Беларусь
Грамадзянства	СССР  Беларусь
Прафесія	акцёрка, тэатральны педагог
Тэатр	Нацыянальны акадэмічны тэатр імя Янкі Купалы Беларуская дзяржаўная акадэмія мастацтваў
Узнагароды
IMDb	ID 6870357

Зінаіда Іванаўна Браварская (31 жніўня 1916, пасёлак Адэса-Дачная — 18 лютага 2005) — беларуская актрыса, педагог. Народная артыстка Беларусі (1967).

Біяграфія

Пасля заканчэння ў 1937 годзе Дзяржаўнага інстытута тэатральнага мастацтва імя А. Луначарскага ў Маскве пачала сцэнічную дзейнасць у Беларускім тэатры юнага гледача. З 1938 года — актрыса Нацыянальнага акадэмічнага тэатра імя Янкі Купалы. У 1941-50 у франтавым тэатры Масквы, тэатрах Ашхабада, Пензы, Куйбышава. Потым зноў вярнулася на працу ў Купалаўскі тэатр.

Адначасова з 1968 года выкладала акцёрскае майстэрства ў Беларускім дзяржаўным тэатральна-мастацкім інстытуце.

Творчасць

Актрыса выразнага сцэнічнага малюнка, выканаўца драматычных і вострахарактарных роляў.

Ролі ў тэатры

• Юлечка («Прыбытковае месца» А. Астроўскага)
• Маці («Зацюканы апостал» А. Макаёнка
• Ірына («Вогненны мост» Б. Рамашова)
• Ірына Аляксандраўна («Трэцяя, патэтычная» М. Пагодзіна)
• Бекбік («Што той салдат, што гэты» Б. Брэхта)
• Эржы («Гульня з коткай» І. Эркеня)
• Зёлкiна («Хто смяецца апошнім» К. Крапівы)
• Нора («Нора» Г. Ібсена)
• Клея («Ліса і вінаград» Г. Фігейрэду)
• Ніхаль («Дзівак» Н. Хікмета)
• Агнія («Традыцыйны збор» В. Розава)
• Бажашуткава («Амністыя» М. Матукоўскага)
• Мар’я Аляксандраўна («Дзядзечкаў сон» паводле Ф. Дастаеўскага),
• Актрыса («Тэатр — любоў мая» В. Пятрова)

Працы ў кіно і тэлевізійных пастаноўках

• «Гадзіннік спыніўся апоўначы»
• «Нашы суседзі»
• «Хто смяецца апошнім?»
• «Крах» (у ролі Царыцы Аляксандры Фёдараўны)

Выступала як актрыса і рэжысёр у больш чым 40 пастаноўках на Беларускім радыё.

Узнагароды

• Ордэн «Знак Пашаны»
• Медаль «За перамогу над Германіяй у Вялікай Айчыннай вайне 1941—1945 гг.»

Літаратура

• Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 226. — 10 000 экз. — ISBN 985-11-0035-8. — ISBN 985-11-0061-7 (т. 2).

Спасылкі

• Сто год з дня нараджэння Зінаіды Браварскай // Тэатр імя Янкі Купалы
• Актриса Зинаида Броварская в воспоминаниях знаменитых купаловцев (руск.) // СБ. Беларусь сегодня