Капліца Святога Мікалая (Урэчча, Вілейскі раён)

Капліца праваслаўная
Свята-Мікалаеўская капліца
54°31′28″ пн. ш. 26°43′50″ у. д.
Краіна	Беларусь
Вёска	Урэчча (Вілейскі раён)
Канфесія	Беларуская праваслаўная царква
Епархія	Маладзечанская
Тып будынка	Капліца
Архітэктурны стыль	народнае дойлідства
Першае згадванне	1796
Будаўніцтва	1906
Стан	дзейная

Свята-Мікалаеўская капліца — праваслаўная капліца паміж вёскамі Урэчча і Кардон Вілейскага раёна Мінскай вобласці. Прыпісная да прыходу Свята-Ільінскай царквы ў аг. Нарач Вілейскага раёна.

Гісторыя

Урэцкая могілкавая царква пабудаваная ў 1796 годзе, але з 1864 г. з-за трухлявасці літургія не адбывалася. У 1906 годзе, пасля рамонту, богаслужэнні аднавіліся. У 1960 годзе царкву зачынілі, абразы былі забраныя прыхаджанамі або паступілі ў Гануцкую, ці Нароцкую цэрквы. Царква гніла і яе хацелі разабраць на дровы, але ніхто не паквапіўся. На пачатку 1990-ых гадоў прытвор разабралі, астатнюю частку будынка аднавілі і ператварылі ў капліцу на могілках. Цяпер богаслужэнні вядуцца толькі пры пахаванні нябожчыкаў і на прастольнае свята ў гонар Св. Мікалая, калі бывае традыцыйны фэст..

Архітэктура

Кубападобны двух’ярусны зруб накрыты шатровым дахам.

Літаратура

• Нарачанка і яе берагі/ Сымон Барыс, Анатоль Рогач. — Мінск: Зміцер Колас, 2013. — 712 с. [8 л.] іл. 99 асобнікаў. ISBN 978-985-6992-37-0.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Капліца Святога Мікалая (Урэчча, Вілейскі раён) на сайце Radzima.org
• Капліца Святога Мікалая (Урэчча, Вілейскі раён) на сайце Глобус Беларусі (руск.)