Карл Густаў фон Розен

Карл Густаў фон Розен
Род дзейнасці	лётчык, удзельнік гуманітарных аперацый, найміт
Дата нараджэння	19 жніўня 1909(1909-08-19)
Месца нараджэння	Helgesta socken[d], Флен, лен Сёдэрманланд, Швецыя
Дата смерці	13 ліпеня 1977(1977-07-13) (67 гадоў)
Месца смерці	Gode[d], Shabelle Zone[d], Somali Region[d], Эфіопія
Грамадзянства	Швецыя
Бацька	Eric von Rosen[d]
Маці	Mary von Rosen[d]
Альма-матар	Lundsberg boarding school[d]
Бітвы/войны	Савецка-фінляндская вайна (1939—1940), Грамадзянская вайна ў Нігерыі
Медыяфайлы на Вікісховішчы

Карл Густаў фон Розен (шведск.: Carl Gustaf von Rosen; 19 жніўня 1909 — 13 ліпеня 1977) — шведскі лётчык і авантурыст.

Біяграфія

У 1926 годзе скончыў Лундсбергскую школу-інтэрнат. У 1929 годзе прайшоў лётныя курсы. У 1934 годзе атрымаў ліцэнзію камерцыйнага пілота.

Калі Італія ў 1935 годзе напала на Эфіопію, далучыўся да паветранай місіі Чырвонага Крыжа. Перакідваў у раёны баявых дзеянняў прадукты харчавання і медыкаменты, вывозіў параненых з поля бою, дастаўляў пасланні імператара Хайле Селасіе партызанам. У пачатку Другой сусветнай вайны працаваў у галандскай авіякампаніі KLM. У 1939 годзе падчас Зімовай вайны запісаўся добраахвотнікам у фінскую армію, лётаў на бамбардзіроўшчыку. У 1945—1956 гадах быў інструктарам імператарскіх ВПС Эфіопіі. Пасля ўладкаваўся ў авіякампанію Transair. У 1960—1962 гадах вазіў у былое Бельгійскае Конга гуманітарныя грузы ААН.

Працаваў асабістым пілотам 2-га генсека ААН Дага Хамаршэльда, які загінуў у авіякатастрофе (фон Розен у дзень трагедыі захварэў, а таму на яго месцы быў іншы лётчык).

У 1969 годзе падтрымаў біяфрыйскіх сепаратыстаў у вайне з федэральным урадам Нігерыі. Узначальваў авіяэскадрыллю «Дзеці Біяфры». У 1970-я зноў прыбывае ў Эфіопію, дзе прымае ўдзел у гуманітарных аперацыях. Загінуў у горадзе Годэ (Агадэн) пры нападзе самалійскіх сепаратыстаў на сваё жыллё.

Сям’я

Быў сынам графа Эрыка фон Розена і баранесы Марыі Фок. Брат Б’ёрн праславіўся як пісьменнік, графік і мастак, а сястра Біргіта Вольф стала пісьменніцай і праваабаронцай. Быў тройчы жанаты: першай жонкай стала Марыя Тэрэзія Віймарк (1932—1936), другой — Ёхана Франс’ене Крыйгсман (1938—1943), трэцяй — Ліліян Марцін (з 1943). Дзеці — Нільс (1932 г. н.), Маргарэт (1938 г. н.), Івон (1940 г. н.), Астрыд (1945 г. н.), Эрык (1950 г. н.) і Карл (1953 г. н.).

Сярод вядомых сваякоў былі інжынер Аксель Віймарк (першы цесць), мастак Сет Марцін (другі цесць), кіраўнік міністэрства авіяцыі Трэцяга Рэйха Герман Герынг (муж цёткі).

Літаратура

• Коновалов, И.П. (2015). Солдаты удачи и воины корпораций : История современного наёмничества. Пушкино: Центр стратегической конъюнктуры. ISBN 978-5-9906069-7-5.