Кароўка чатырнаццацікропкавая

Кароўка чатырнаццацікропкавая
Кароўка чатырнаццацікропкавая, Белавежская пушча, Польшча, май 2006
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Жукі Падатрад:  Разнаедныя Інфраатрад:  Cucujiformia Надсямейства:  Cucujoidea Сямейства:  Божыя кароўкі Падсямейства:  Coccinellinae Трыба:  Coccinellini Род:  Propylea Від:  Кароўка чатырнаццацікропкавая
Міжнародная навуковая назва
Propylea quatuordecimpunctata Linnaeus, 1758
Сістэматыка на Віківідах Выявы на Вікісховішчы ITIS   692579 NCBI   558720 EOL   1175184 FW   320711

Кароўка чатырнаццацікропкавая, ці кароўка 14-крапінкавая (Propylea quatuordecimpunctata) — від жукоў сямейства божых каровак.

Апісанне

Цела даўжынёю 3,5—4,5 мм, выпуклае, прыкрытае бліскучымі надкрыламі. Вусікі кароткія, ротавы апарат грызучага тыпу.

Маюць яркую (перасцерагальную) афарбоўку. Надкрылы жоўтыя, з узорам чорнага колеру. Існуюць шматлікія выарыяцыі афарбоўкі. Светлы фон можа змяняцца ад крэмавага да бледна-аранжавага. Звычайна на надкрылах прысутнічае 14 чорных крапінак. Часам чорныя плямкі зліваюцца так, што афарбоўка робіцца амаль цалкам чорнай, за выключэннем 12 светлых жоўтых крапінак.

Пашырэнне

Паштовая марка Беларусі

Пашырана ў Палеаарктыцы да Палярнага круга. Сустракаецца ў Еўропе, Паўночнай Афрыцы, на Кіпры, Каўказе, у Закаўказзі, Сібіры, на Далёкім Усходзе Расіі, у Казахстане, Заходняй Азіі, Пакістане, Манголіі, Кітаі (Тарымская ўпадзіна), Карэі і Японіі. Распаўсюдзілася ў Паўночнай Амерыцы.

Жывуць у лясах, на палях, у садах і парках.

Асаблівасці біялогіі

Драпежная. Лічынкі пражэрлівыя, могуць значна зніжаць колькасць шкоднікаў. Самка адкладвае каля 400 яец.

Падвіды

Адрозніваецца шэраг падвідаў:

• Propylea quatuordecimpunctata var. suturalis Weise, 1879
• Propylea quatuordecimpunctata var. weisei Mader, 1931
• Propylea quatuordecimpunctata var. pedemontana Della Beffa, 1913
• Propylea quatuordecimpunctata var. frivaldskyi Sajo, 1882
• Propylea quatuordecimpunctata var. pannonica Sajo, 1882
• Propylea quatuordecimpunctata var. moravica Walter, 1882
• Propylea quatuordecimpunctata var. perlata Weise, 1879

Галерэя

• 
  Спароўванне каровак рознай афарбоўкі
• 
  Лічынка
• 
  Цёмнаафарбаваная кароўка
• 
  Жоўты варыянт афарбоўкі
• 
  Светлы варыянт афарбоўкі