Кастусь Качан

Кастусь Качан
Дата нараджэння	4 сакавіка 1950(1950-03-04) (74 гады)
Месца нараджэння	Лаўрышава, Шчорсаўскі сельсавет, Любчанскі раён, Баранавіцкая вобласць, БССР, СССР
Грамадзянства	СССР → Беларусь
Род дзейнасці	мастак
Жанр	пейзаж, нацюрморт
Вучоба	фізічны факультэт БДУ
Мастацкі кірунак	рэалізм
Сайт	kachangallery.com
Медыяфайлы на Вікісховішчы

Канстанцін Іванавіч Качан (4 сакавіка 1950, в. Лаўрышава, Шчорсаўскі сельсавет, Навагрудскі раён, Гродзенская вобласць) — беларускі мастак-пейзажыст.

Біяграфія

У 1975 годзе скончыў фізічны факультэт БДУ.

З 1977 па 1980 быў вольным слухачом Беларускага тэатральна-мастацкага інстытута, браў урокі жывапісу.

З 1980 бярэ ўдзел у мастацкіх выставах.

З 1987 — член Беларускага саюзу мастакоў.

Працуе ў станковым жывапісу ў жанрах нацюрморту, пейзажу. Творы знаходзяцца ў Нацыянальным мастацкім музее, фондах Саюзу мастакоў Беларусі, Міністэрстве культуры Расіі, у Траццякоўскай галерэі, Музеі сучаснага выяўленчага мастацтва, Беларускім музеі народнай архітэктуры і побыту, Гродзенскім гісторыка-археалагічным музеі, Доме-музеі Адама Міцкевіча, а таксама ў прыватных калекцыях Беларусі і замежжа.

20 чэрвеня 2014 у гістарычным цэнтры Навагрудку, у будынку, збудаваным па праекце архітэктара Лявонція Зданевіча, была адкрыта персанальная карцінная галерэя Кастуся Качана, якая ўключае дзве выставачныя залы і майстэрню мастака. У цырымоніі адкрыцця прымалі ўдзел прэм’ер-міністр Рэспублікі Беларусь Міхаіл Мясніковіч, міністр культуры Барыс Святлоў, генеральны дырэктар Нацыянальнага мастацкага музея Уладзімір Пракапцоў, старшыня Беларускага саюза мастакоў Рыгор Сітніца.

Літаратура

• Кастусь Качан. Жывапіс / укладальнік К. І. Качан. - Мінск : Беларусь, 2019. - 180 с. – 700 экз. – ISBN 978-985-01-1294-1

Спасылкі

• Сайт галерэі Кастуся Качана.
• Беларускі саюз мастакоў. Галерэя БелАРТ.
• Музеи Гродненской области. В гостях у известного белорусского художника Кастуся Качана. (руск.) Архівавана 18 снежня 2014.
• Газета «Культура». «Прыватны выпадак» прыватнай галерэі. Архівавана 29 лістапада 2014.
• Часопіс «Мастацтва». Рака часу. Таццяна Гаранская. Архівавана 29 лістапада 2014.
• Радыё Свабода. Кастусь Качан: Адзінае, пра што цяпер шкадую, — што жыцьцё кароткае.