Касцёл Святога Роха (Шабуні)

З пляцоўкі Вікіпедыя
(Пасля перасылкі з Касцёл Святога Роха, Шабуні)
Jump to navigation Jump to search
каталіцкі храм
Касцёл Святога Роха
Шабуні. Šabuni. Касцёл Святога Роха (1796).jpg
53°37′41″ пн. ш. 27°33′01″ у. д.HGЯO
Краіна Беларусь
Вёска Шабуні
Канфесія Каталіцтва
Епархія Мінска-Магілёўская архідыяцэзія
Барысаўскі дэканат
Архітэктурны стыль народнае дойлідства
Дата пабудовы 1796 г.
Статус дзейнічае
Стан добры

Касцёл Святога Роха — драўляны каталіцкі храм у вёсцы Шабуні Пухавіцкага раёна Мінскай вобласці, помнік беларускага народнага дойлідства[1].

Гісторыя[правіць | правіць зыходнік]

Гісторыя каталіцкай грамады ў Шабунях пачынаецца з канца XVIII ст., калі на старадаўнім пагосце вернікі вырашылі ўзвесці капліцу. Паводле мясцовага падання, узнікненне касцёла звязана з эпідэміяй халеры ў вёсцы. Пасля таго, як жыхары набылі абраз Святога Роха і ўсталявалі яго ў алтары капліцы, хвароба пачала адступаць[2].

У 1796 г. на ўсходняй ускраіне вёскі была пабудавана драўляная капліца, якая была асвячона пад тытулам Святога Роха. Дата ўзвядзення капліцы — «1796» — была выразана на парогавай бэльцы. Абслугоўваннем касцёла займаліся мінскія бернардзінцы[3].

У 1829 г. старая капліца была перабудавана, аднак даўнейшую парогавую бэльку з датай пабудовы вырашылі захаваць. У 1860 г. капліца зноў была перабудавана, сродкі на рэканструкцыю вылучыў тагачасны ўладальнік гэтых месцаў князь Вітгенштэйн. Падчас гэтай рэканструкцыі святыня значна павялічыла свае памеры, паколькі шэраг архіўных дакументаў таго часу пачынае зваць яе «касцёлам». Пры гэтым дату «1796» на ўваходзе ў капліцу згадваюць як «былую», то бок бэльку парога, якая тады стала зусім трухлявай, усё ж давялося замяніць[1].

У 1923—1924 г. адбылася рэканструкцыя касцёла, у ходзе якой пабудову пашырылі і ашалявалі, а алтарную частку перамясцілі на ўсход. Рамонты таксама адбываліся ў 1971 і 1997 гадах, падчас якіх былі заменены, адпаведна, дах і падлога[4].

З 1997 па 2004 гады касцёл не дзейнічаў. 15 жніўня 2015 г. мітрапаліт Мінска-Магілёўскі Тадэвуш Кандрусевіч асвяціў адноўленую пасля рамонта капліцу[2].

Архітэктура[правіць | правіць зыходнік]

Касцёл ўяўляе сабой квадратны будынак з трохграннай апсідай і выцягнутым бабінцам. Кожны са зрубаў накрыты асобным двухсхільным гонтавым дахам. Над уваходным ганкам, што падтрымліваецца чатырма драўлянымі калонамі, пастаўлена чацвярыковая вежа пад шатровай чатырохсхільнай страхой з крыжом. Маецца адна сакрыстыя, прыбудаваная да правай грані апсіды. Над уваходам размешчаны хоры. Столь над асноўным аб’ёмам каробчатая, над астатнімі прыбудовамі плоская. Бакавыя гарызантальна ашаляваныя фасады прарэзаны арачнымі аконнымі праёмамі[5].

У інтэр’еры раней вылучаліся старадаўнія абразы, ад якіх захаваліся рамы XVIII стагоддзя[1].

Зноскі

  1. 1,0 1,1 1,2 Историческая справка о каплице Св. Роха в д. Шабуни Пуховичского района (руск.) . Каталіцкі прыход Святога Антонія Падуанскага ў Мінску (31 сакавіка 2010). Праверана 31 мая 2019.
  2. 2,0 2,1 Адноўленую гістарычную капліцу св. Роха асвецяць у Шабунях (бел.) . Catholic.by (11 жніўня 2015). Праверана 31 мая 2019.
  3. Костел Святого Роха в деревне Шабуни (руск.) . Holiday.by (1 красавіка 2011). Праверана 2 чэрвеня 2019.
  4. В. Ніціеўская Касцёл Святога Роха ў Шабунёх і яго парафіяне (бел.) . Каталіцкі прыход Святога Антонія Падуанскага ў Мінску (31 сакавіка 2010). Праверана 2 чэрвеня 2019.
  5. Кулагін, 2008, с. 368—369

Літаратура[правіць | правіць зыходнік]

Спасылкі[правіць | правіць зыходнік]