Кушыты
Кушы́ты, або кушы́цкія народы — група афрыканскіх народаў, якія размаўляюць на кушыцкіх мовах.
Агульная колькасць — каля 24 млн чалавек.
Паходжанне[правіць | правіць зыходнік]
Назва «кушыты» паходзіць ад наймення біблейскай краіны Куш, якое ў сваю чаргу значыла намесніцтва і дзяржаву на поўдзень ад Егіпту. На старажытным Блізкім Усходзе кушытамі называлі чарнаскурых людзей. Старажытныя грэкі ўжывалі ў дачыненні да іх іншую назву «эфіопы».
Лічыцца, што протакушыты — агульныя продкі сучасных кушыцкіх народаў — сфарміраваліся ў сярэдняй даліне Ніла або на землях паміж Нілам і Чырвоным морам не пазней за неаліт. Мяркуюць, што протакушыты маглі быць першымі неалітчнымі перасяленцамі з навыкамі земляробства і жывёлагадоўлі на землях Усходняй Афрыкі. Лінгвісты адзначаюць імаверныя кантакты паміж кушыцкімі і кайсанскімі мовамі, што было магчыма толькі да пашырэння арэалу пасялення банту. На захадзе раннія міграцыі носьбітаў кушыцкіх моў дасягалі возера Чад.
Сучасныя кушыцкія народы, што насяляюць землі на поўдзень ад памежжа сучасных Егіпта і Судана, неабавязкова з'яўляюцца прамымі шашчадкамі неалітычных мігрантаў. Перасяленне іх продкаў адбывалася і ў пазнейшы час, што часткова зафіксавана фальклорам і археалогіяй.
Спіс кушыцкіх народаў[правіць | правіць зыходнік]
Літаратура[правіць | правіць зыходнік]
- Iliffe, J. Africans: The history of the continent. — 2. — Cambridge, New York: Cambridge University Press, 2007. — ISBN 978-0-521-86438-1. Архівавана 24 студзеня 2023.
Спасылкі[правіць | правіць зыходнік]
- A Summary of the Cushite Peoples of Eastern Africa
- Kevin Burrell The Cushites: Race and Representation in the Hebrew Bible Архівавана 31 студзеня 2023.
- Roger Blench The westward wanderings of Cushitic pastoralists. Explorations in the Prehistory of Central Africa
- Roger Blench Was there an interchange between Cushitic pastoralists and Khoisan speakers in the prehistory of Southern Africa and how can this be detected?
- Saioa López et al. The genetic landscape of Ethiopia: diversity, intermixing and the association with culture