Лерой Фер

З пляцоўкі Вікіпедыя
Jump to navigation Jump to search
Футбол
Лерой Фер
Leroy Fer.JPG
Агульная інфармацыя
Поўнае імя Ёхан Лерой Фер
Нарадзіўся 5 студзеня 1990(1990-01-05)[1] (29 гадоў)
Грамадзянства Flag of the Netherlands.svg Нідэрланды
Рост 188 см
Вага 85 кг
Пазіцыя цэнтральны паўабаронца
Інфармацыя пра клуб
Клуб Нідэрланды Феенорд
Нумар 19
Кар’ера
Маладзёжныя клубы
0000 — 1999 Нідэрланды ДВА
1999 — 2007 Нідэрланды Феенорд
Клубная кар’ера*
2007 — 2011 Нідэрланды Феенорд 103 (14)
2011 — 2013 Нідэрланды Твентэ 58 (13)
2013 — 2014 Англія Норвіч Сіці 30 (3)
2014 — 2016 Англія Куінз Парк Рэйнджэрс 45 (8)
2016   Уэльс Суонсі Сіці 11 (0)
2016 — 2019 Уэльс Суонсі Сіці 79 (8)
2019 — Нідэрланды Феенорд
Нацыянальная зборная**
2006 — 2007 Нідэрланды Нідэрланды (да 17) 10 (2)
2007 — 2009 Нідэрланды Нідэрланды (да 19) 10 (2)
2009 — 2012 Нідэрланды Нідэрланды (да 21) 25 (4)
2010 — 2014 Нідэрланды Нідэрланды 11 (1)
Міжнародныя медалі
Чэмпіянаты свету
Бронза Бразілія 2014

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў, адкарэктавана станам на 26 ліпеня 2019.

** Колькасць гульняў і галоў за нацыянальную зборную ў
афіцыйных матчах, адкарэктавана станам на 26 ліпеня 2019.

Лерой Ёхан Фер (нідэрл.: Leroy Johan Fer; нар. 5 студзеня 1990, Зутэрмер, Нідэрланды) — нідэрландскі футбаліст, паўабаронца клуба «Феенорд» і былы ігрок нацыянальнай зборнай Нідэрландаў. Бацькі Лероя паходзяць з Нідэрландскіх Антылаў.

Кар’ера[правіць | правіць зыходнік]

Клубная[правіць | правіць зыходнік]

Упершыню Фер з’явіўся ў асноўнай камандзе «Феенорда» ў сезоне 2007/08. 2 снежня Лерой дэбютаваў у Эрэдывізі пад кіраўніцтвам Берта ван Марвейка. Ва ўзросце 17 гадоў Лерой на 84-й хвіліне замяніў Нуры Шахіна ў матчы супраць «Хераклеса» (6:0)[2]. Праз чатыры дні, 6 снежня, Лерой падпісаў свой першы прафесійны кантракт з «Феенордам» да лета 2012 года. У сезоне 2008/09 Фер паступова стаў іграком асноўнага складу, гуляючы ў зоне атакуючага паўабаронцы пад Роем Макаем. 18 верасня 2008 года Фер дэбютаваў на еўрапейскай арэне ў Кубку УЕФА ў матчы супраць шведскага «Кальмара». У сезоне 2009/10 ігрок стаў ключавой фігурай каманды, вярнуўшыся на пазіцыю апорнага паўабаронцы.

Сезон 2011/12 Фер пачаў з двух галоў у стартавых чатырох матчах чэмпіянату Нідэрландаў, пасля чаго 1 верасня 2011 года перайшоў у «Твентэ», падпісаўшы кантракт па схеме «3+1»[3]. 13 ліпеня 2013 года Фер падпісаў кантракт з англійскім клубам «Норвіч Сіці»[4], аднак у першым жа сезоне «канаркі» занялі 18 месца ў чэмпіянаце і пакінулі Прэм’ер-лігу.

28 жніўня 2014 года перайшоў у лонданскі «Куінз Парк Рэйнджэрс», які вярнуўся ў Прэм’ер-лігу. Застаўся ў клубе і пасля таго, як той зноў вылецеў у Чэмпіёншып па выніках сезона 2014/15. У лютым 2016 года на правах арэнды стаў іграком «Суонсі Сіці»[5], а ў ліпені быў выкуплены валійскім клубам[6]. Пазней стаў капітанам «Суонсі Сіці».

Па заканчэнні сезона 2018/19 пакінуў валійскую каманду ў якасці свабоднага агента. З ліпеня 2019 года стаў трэніравацца з «Феенордам» і ў выніку падпісаў з ім кантракт[7].

Міжнародная[правіць | правіць зыходнік]

26 жніўня 2009 года Фер абвясціў, што ён прыняў канчатковае рашэнне і аддаў перавагу выступам за нацыянальную зборную Нідэрландаў на міжнароднай арэне[8], у складзе якой дэбютаваў 11 жніўня 2010 года ў таварыскай гульні супраць зборнай Украіны (1:1). Да гэтага Фер меў магчымасць выступаць за зборную Нідэрландскіх Антыльскіх астравоў.

Дасягненні[правіць | правіць зыходнік]

«Фееноорд»:

Зноскі

Спасылкі[правіць | правіць зыходнік]