Перайсці да зместу

Ар’ен Робен

З Вікіпедыі, свабоднай энцыклапедыі
Футбол
Ар’ен Робен
Агульная інфармацыя
Нарадзіўся 23 студзеня 1984(1984-01-23)[1][2][…] (41 год)
Грамадзянства  Нідэрланды
Рост 180 см
Вага 80 кг
Пазіцыя атакуючы паўабаронца, нападнік
Маладзёжныя клубы
Нідэрланды Бедзюм
Нідэрланды Гронінген
Клубная кар’ера[* 1]
2000—2002 Нідэрланды Гронінген 46 (8)
2002—2004 Нідэрланды ПСВ 56 (17)
2004—2007 Англія Чэлсі 67 (15)
2007—2009 Іспанія Рэал Мадрыд 63 (13)
2009—2019 Германія Баварыя (Мюнхен) 201 (99)
2020—2021 Нідэрланды Гронінген 7 (0)
Нацыянальная зборная[* 2]
1999—2000 Нідэрланды Нідэрланды (да 17) 15 (5)
2001—2002 Нідэрланды Нідэрланды (да 19) 8 (2)
2001—2003 Нідэрланды Нідэрланды (да 21) 8 (1)
2003—2017 Нідэрланды Нідэрланды 96 (37)
Узнагароды і медалі
Чэмпіянаты свету
Срэбра ПАР 2010
Бронза Бразілія 2014
Чэмпіянаты Еўропы
Бронза Партугалія 2004
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 15 ліпеня 2021.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 21 красавіка 2018
Лагатып Вікісховішча Медыяфайлы на Вікісховішчы

Ар’ен Робен (нідэрл.: Arjen Robben; нар. 23 студзеня 1984, Бедзюм, Нідэрланды) — нідэрландскі футбаліст, які выступае на пазіцыях нападніка ці вінгера. Ігрок нацыянальнай зборнай Нідэрландаў (2003—2017). З’яўляецца чэмпіёнам чатырох краін, гэта значыць Нідэрландаў, Англіі, Іспаніі і Германіі.

Клубная кар’ера

[правіць | правіць зыходнік]

Раннія гады

[правіць | правіць зыходнік]

Робен нарадзіўся і вырас у невялікім мястэчку Бедзюм, размешчаным побач з горадам Гронінген, дзе і пачаў гуляць у футбол у мясцовым клубе.

«Гронінген»

[правіць | правіць зыходнік]

Гульня Робена і яго футбольныя здольнасці прыцягнулі ўвагу да яго скаўтаў клуба «Гронінген». У лістападзе 2000 года Робен упершыню апынуўся ў заяўцы першай каманды клуба, аднак на поле гэтак і не выйшаў. 3 снежня 2000 года ў матчы супраць «Валвейка» упершыню выйшаў на замену на 79-й хвіліне. У хуткім часе футбаліст заняў месца ў асноўным складзе камады. Улетку 2002 года быў набыты клубам ПСВ за 3,9 млн еўра.

ПСВ

[правіць | правіць зыходнік]

У першым сезоне за ПСВ Робен правёў 33 матчы і забіў 12 галоў[3]. Па заканчэнні сезона яго назвалі іграком года ў ПСВ разам з іншым нападнікам Мацеям Кежманам, з якім Робен стварыў тандэм у нападзе каманды, названы заўзятарамі ПСВ «Бэтмен і Робен». У 2004 годзе пераехаў у англійскі клуб «Чэлсі».

«Чэлсі»

[правіць | правіць зыходнік]

Робен быў вымушаны прапусціць пачатак свайго першага сезона ў Англіі з-за траўмы, атрыманай у таварыскай гульні з італьянскім клубам «Рома», дзе Ар’ен у сутыкненні з Аліўе Дакурам атрымаў пералом плюсневаў косці. У выніку ён змог дэбютаваць у складзе «арыстакратаў» толькі ў лістападзе, у гульні чэмпіянату Англіі супраць «Эвертана», дзе быў прызнаны іграком матча. Свае першыя матчы Робен правёў добра, за што атрымаў тытул іграка месяца ў АПЛ[4].

«Рэал Мадрыд»

[правіць | правіць зыходнік]

22 жніўня 2007 года Робен стаў іграком «Рэала», падпісаўшы кантракт на 5 гадоў. За пераход вінгера «Рэал» выплаціў «Чэлсі» суму ў 36,550 млн еўра[5]. Гэтая купля стала 5-й па суме трансферам у гісторыі «Рэала», пасля Зінэдзіна Зідана, Луіша Фігу, Дэвіда Бекхэма і Раналду[6].

«Баварыя» Мюнхен

[правіць | правіць зыходнік]

Улетку 2009 года Робен быў выстаўлены на трансфер. Прычынай гэтага стала купля «Рэалам» двух футбалістаў, Крыштыяну Раналду і Кака[7]. Неўзабаве Робен быў набыты нямецкім клубам «Баварыя» з Мюнхена, які заплаціў за трансфер галандца 25 млн еўра[8].

У снежні 2018 года стала вядома, што па заканчэнні сезона Робен пакіне «Баварыю»[9]. У ліпені 2019 года, нягледзячы на прапановы ад іншых клубаў, абвясціў аб завяршэнні кар’еры[10].

Вяртанне ў «Гронінген»

[правіць | правіць зыходнік]

У чэрвені 2020 года вырашыў аднавіць кар’еру іграка ў складзе роднага «Гронінгена»[11]. Значную частку сезона 2020/21 прапусціў з-за траўмы. У ліпені 2021 года вырашыў паўторна завяршыць кар’еру[12].

Міжнародная кар’ера

[правіць | правіць зыходнік]

У складзе зборнай Нідэрландаў Робен дэбютаваў 30 красавіка 2003 года ў таварыскім матчы супраць зборнай Партугаліі, які скончыўся ўнічыю з лікам 1:1, у гэтай гульні Робен замяніў на 77-й хвіліне Марка Овермарса, таксама ў гэтай гульні дэбютаваў іншы малады футбаліст, Уэслі Снейдэр[13].

Дасягненні

[правіць | правіць зыходнік]

Клубныя

[правіць | правіць зыходнік]

Нідэрланды ПСВ:

Англія Чэлсі:

Іспанія Рэал Мадрыд:

Германія Баварыя:

Міжнародныя

[правіць | правіць зыходнік]

Нідэрланды Нідэрланды:

Асабістае жыццё

[правіць | правіць зыходнік]

Робен мае трох дзяцей: сыноў Люка 2008 года нараджэння і Кая 2012 года нараджэння і дачку Лін 2010 года нараджэння.

Крыніцы

[правіць | правіць зыходнік]
  1. ↑ Arjen Robben // Transfermarkt — 2000. Праверана 9 кастрычніка 2017.
  2. ↑ ARJEN ROBBEN // Argentine Soccer Database
  3. ↑ Профіль на сайце eurosport
  4. ↑ FA Premier League Seasonal awards 2004/05 Архівавана 11 снежня 2006.
  5. ↑ Real secure Robben & Heinze. skysports.com
  6. ↑ Robben determined to prove his worth. abc.net
  7. ↑ «Могучий голландец». sports.ru
  8. ↑ Bayern Munich seal Robben signing. bbc.co.uk
  9. ↑ Роббен покинет «Баварию» по окончании сезона. Он в клубе почти 10 лет. by.tribuna.com
  10. ↑ Роббен объявил о завершении карьеры. by.tribuna.com
  11. ↑ Роббен хочет возобновить карьеру в «Гронингене». by.tribuna.com
  12. ↑ 37-летний Роббен вновь завершил карьеру. by.tribuna.com
  13. ↑ Kluivert marca un tanto histórico a pase de Makaay. hemeroteca

Спасылкі

[правіць | правіць зыходнік]
Узята з "https://be.wikipedia.org/w/index.php?title=Ар’ен_Робен&oldid=4917108"