Люсеберт

З пляцоўкі Вікіпедыя
Люсеберт
Фатаграфія
Дата нараджэння 15 верасня 1924(1924-09-15)[1][2][…]
Месца нараджэння
Дата смерці 10 мая 1994(1994-05-10)[1][2][…] (69 гадоў)
Месца смерці
Грамадзянства
Дзеці Брэхт[d]
Род дзейнасці паэт, мастак, літограф, пісьменнік, аўтар, рысавальнік, фатограф, кераміст
Мастацкі кірунак CoBrA
Уплыў Ёхан ван Хел[d][9]
Узнагароды
Сайт lucebertstichting.nl
Commons-logo.svg Працы на Вікісховішчы

Люсеберт (нідэрл.: Lucebert, сапраўднае імя Люберцюс Якабюс Свансвейк, нідэрл.: Lubertus Jacobus Swaanswijk; 15 верасня 1924 — 10 мая 1994) — нідэрландскі паэт і мастак.

Біяграфія[правіць | правіць зыходнік]

Люберцюс Якабюс Свансвейк нарадзіўся ў Амстэрдаме ў 1924 годзе. Пасля заканчэння сярэдняй школы ён пачаў працаваць у малярным прадпрыемстве свайго бацькі, дзе ўпершыню выявіўся яго мастацкі талент. Журналіст, які ўбачыў зробленыя ім эскізы афармлення рэстарана, дапамог маладому Люберцюсу атрымаць стыпендыю і паступіць у Інстытут мастацкай адукацыі ў 1938 годзе. Але ўжо на наступны год ён кінуў вучобу і стаў валацугам.

У 1947 годзе ён прыняў прапанову маці-настаяцелькі францысканскага манастыра ў Хемскерку распісаць манастырскія сцены ў абмен на ежу і прытулак. Аднак, мастацкія вартасці фрэскі Люберцюса не былі ацэнены кіраўніцтвам манастыра і пасля змены абацісы сцяна была пабелена паверх выявы ў 1951 годзе. (Фрэска была часткова адноўлена ў 1989 годзе).

Паэтычны дэбют Люберцюса, пад псеўданімам Люсеберт, адбыўся ў 1949 годзе, калі ў часопісе «Рэфлекс» быў апублікаваны яго верш «Любоўны ліст нашай закатаванай нявесце Інданезіі» (нідэрл.: «Minnebrief aan onze gemartelde bruid Indonesia»).

Псеўданім складзены з лац.: Luce («святло») і германскага Bert («светлы, ясны, празрысты»).

У пачатку 1950-х гадоў яго вершы рэгулярна з’яўляюцца ў часопісе «Шлюб». Ужо трэці нумар часопіса выйшаў з Люсебертам у ліку рэдактараў. Хутка паэт становіцца адным з актыўных удзельнікаў і ідэолагаў літаратурнага руху пяцідзясятнікаў. Часта яго называюць «імператарам пяцідзесятнікаў» (нідэрл.: Keizer der Vijftigers).

Люсеберт імкнуўся да абнаўлення нідэрландскай паэзіі. Тэмамі многіх з яго вершаў з’яўляецца сама паэзія, асоба паэта і канфлікт паміж пакаленнямі літаратараў.

Зноскі

  1. 1,0 1,1 Deutsche Nationalbibliothek, Staatsbibliothek zu Berlin, Bayerische Staatsbibliothek et al. Record #118574728 // Агульны нарматыўны кантроль — 2012—2016. Праверана 3 мая 2014.
  2. 2,0 2,1 Lucebert
  3. 3,0 3,1 Lubertus Jacobus Swaanswijk — 2009.
  4. Deutsche Nationalbibliothek, Staatsbibliothek zu Berlin, Bayerische Staatsbibliothek et al. Record #118574728 // Агульны нарматыўны кантроль — 2012—2016. Праверана 15 снежня 2014.
  5. 5,0 5,1 online image library Nederlands Fotomuseum Праверана 20 лютага 2020.
  6. Deutsche Nationalbibliothek, Staatsbibliothek zu Berlin, Bayerische Staatsbibliothek et al. Record #118574728 // Агульны нарматыўны кантроль — 2012—2016. Праверана 31 снежня 2014.
  7. Museum of Modern Art online collection Праверана 4 снежня 2019.
  8. RKDartists Праверана 18 лістапада 2021.
  9. Hell, Johan van|Stam, Mart // online image library Nederlands Fotomuseum Праверана 20 лютага 2020.