Ліён Фейхтвангер

Ліён Фейхтвангер
ням.: Lion Feuchtwanger
Асабістыя звесткі
Псеўданімы	Jacob Arje, Sepp Trautwein і J. L. Wetcheek
Дата нараджэння	7 ліпеня 1884(1884-07-07)[…]
Месца нараджэння	Мюнхен, Верхняя Баварыя, Баварыя, Германская імперыя
Дата смерці	21 снежня 1958(1958-12-21)[…] (74 гады)
Месца смерці	Лос-Анджэлес, акруга Лос-Анджэлес, Каліфорнія, ЗША
Пахаванне	Вудланскія мемарыяльныя могілкі[d]
Грамадзянства	Германія  Германская імперыя  Веймарская рэспубліка  ЗША
Жонка	Marta Feuchtwanger[d]
Альма-матар	Мюнхенскі ўніверсітэт Людвіга-Максіміліяна Берлінскі ўніверсітэт імя Гумбальта Вільгельмаўская гімназія[d]
Прафесійная дзейнасць
Род дзейнасці	пісьменнік, драматург, перакладчык, журналіст
Жанр	п’еса і проза
Узнагароды	Літаратурная прэмія горада Мюнхена[d] (1957)
Подпіс
Медыяфайлы на Вікісховішчы

Ліён Фейхтва́нгер (ням.: Lion Feuchtwanger; 7.7.1884, г. Мюнхен, Германія — 21.12.1958) — нямецкі пісьменнік. Доктар філасофіі (1907).

Біяграфія

Вывучаў германістыку і філасофію ва ўніверсітэтах Берліна і Мюнхена. 3 1933 у эміграцыі (Францыя, ЗША).

Пачынаў як тэатральны крытык і драматург. Аўтар сусветна вядомых гістарычных раманаў «Брыдкая герцагіня» (1923), «Яўрэй Зюс» (1925), «Ілжэ-Нерон» (1936), «Лісы ў вінаградніку» (1947), «Гоя, або Цяжкі шлях пазнання» (1951), «Мудрасць дзівака, або Смерць і ператварэнне Жан Жака Русо» (1952), гістарычнай трылогіі «Іудзейская вайна» (1932), «Сыны» (1935), «Настане дзень» (1942), у якіх адлюстраваў падзеі амерыканскай вайны за незалежнасць, французскай рэвалюцыі 1789-94, узаемаадносіны паміж Іудзеяй і Рымам і інш. Трагічная нямецкая сучаснасць у раманах «Томас Вент» (1920), «Браты Лаўтэнзак» (1943), сацыяльнай трылогіі «Зала чакання» («Поспех», 1930; «Сям'я Опенгейм», 1933; «Выгнанне», 1939).

У творах аддаваў перавагу сацыяльна-палітычным і філасофсім праблемам — чалавека і гісторыі, творчай асобы і рэвалюцыі, сузірання і дзеяння, грамадскага прызначэння мастака і мастацтва, мінуўшчыны і сучаснасці; яны адметныя каларытнасцю дэталі, сюжэтнай шматпланавасцю, парабалічнасцю. Многія яго раманы экранізаваны.

Аўтар п'ес, апрацовак твораў англійскіх аўтараў, літаратурна-крытычных артыкулаў, эсэ і інш.

Беларускія пераклады

• Сям’я Опенгейм. Мн., 1937.