Майсей Лейвікавіч Співак

Майсей Лейвікавіч Співак
Дата нараджэння	25 студзеня 1919(1919-01-25)
Месца нараджэння	Нароўля, Рэчыцкі павет, Менская губерня, БССР
Дата смерці	23 ліпеня 1943(1943-07-23) (24 гады)
Месца смерці	Свярдлоўскі раён, Арлоўская вобласць, РСФСР, СССР
Месца пахавання	Зміёўка
Грамадзянства	СССР
Род войскаў	пяхота
Званне	лейтэнант
Бітвы/войны	савецка-фінляндская вайна Вялікая Айчынная вайна
Узнагароды і званні

Майсей Лейвікавіч Співа́к (22 снежня 1919—23 ліпеня 1943) — удзельнік Вялікай Айчыннай вайны, Герой Савецкага Саюза (1943).

Біяграфія

Яўрэй. Нарадзіўся ў сям'і рамесніка ў мястэчку Нароўля Рэчыцкага павета Гомельскай губерні (зараз горад Нароўля).

Скончыў сямігодку, працаваў бухгалтарам.

У Чырвонай Арміі з 1939 года. Удзельнік савецка-фінляндскай вайны 1939—1940 гг. Пасля сканчэння вайны працягваў ваенную службу ў раёне горада Гродна. У 1940 годзе скончыў палкавую школу.
Падчас Вялікай Айчыннай вайны з чэрвеня 1941 года на Заходнім, Бранскім і Цэнтральным франтах. Удзельнічаў ў абароне Беластока, Гомеля, на Смаленскім напрамку, бітве пад Масквой і Курскай бітве.

Ад’ютант камандзіра 409-га стралковага палка (137-я стралковая дывізія, 48-я армія, Цэнтральны фронт) лейтэнант Співак вызначыўся 23 ліпеня 1943 года ў баях у раёне сяла Сцяпанаўскае (Свярдлоўскі раён, Арлоўская вобласць). У крытычны момант бою ўзначаліў батальён другога эшалону, павёў яго ў атаку, фарсіраваў раку Неруч, захапіў плацдарм і утрымліваў яго да падыходу асноўных сіл палка.
Лейтэнант М. Л. Співак загінуў у гэтым баі. Пахаваны ў брацкай магіле на станцыі Зміёўка (Свярдлоўскі раён Арлоўскай вобласці).

Указам Прэзідыума Вярхоўнага Савета СССР ад 27 жніўня 1943 года лейтэнанту Співаку Майсею Лейвікавічу прысвоена званне Героя Савецкага Саюза (пасмяротна).

Узнагароды

• Медаль «Залатая Зорка» Героя Савецкага Саюза
• Ордэн Леніна

Памяць

Школа мастацтваў і Алея Славы нараўлянцаў (2010). Фота 2017 г.

Імем Героя названы вуліцы ў гарадах Нароўлі, Гомелі, Арле.

Імя і фатаграфія Майсея Співака ў Нароўлі былі размешчаны на пастаменце з таблічкай у Алеі Славы нараўляцаў.

Літаратура

• Співак Майсей Лейвікавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 112—113. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

• Майсей Лейвікавіч Співак на сайце «Героі краіны»
• Співак Майсей Лейвікавіч на сайце анлайн-энцыклапедыі «Беларусь у асобах і падзеях»
• Спивак Моисей Лейвикович (руск.) // Праект «Память народа»