Макензі

Макензі
англ. Mackenzie
Характарыстыка
Даўжыня	1738 км, поўная даўжыня ад вытока Фінлей - 4241 км
Басейн	1 805 200 км²
Расход вады	10 700 м³/с
Вадацёк
Выток	Вялікае Нявольніцкае возера
• Каардынаты	61°11′37″ пн. ш. 117°20′52″ з. д.
Вусце	Паўночны Ледавіты акіян
• Каардынаты	69°11′52″ пн. ш. 135°01′19″ з. д.
Размяшчэнне
Водная сістэма	Мора Бафорта
Краіна	Канада
— выток, — вусце
Аўдыё, фота і відэа на Вікісховішчы

Маке́нзі (Mackenzie, інд. Deh Cho) — рака ў Канадзе.

Даўжыня 4250 км. Плошча вадазбору 1804 тыс. км². Сярэднегадавы расход вады ў вусці 11 тыс. м³.

Плошча басейна (уключае сістэму рэк Нявольніцкая, Піс і Атабаска, якія належаць басейну Вялікага Нявольніцкага возера) 1804 тыс. км². Пачынаецца з Вялікага Нявольніцкага возера, цячэ па нізіне Макензі, упадае ў мора Бафорта (Заліў Макензі) Паўночнага Ледавітага акіяна, утварае дэльту (плошча каля 12 тыс. км²).

Даліна Макензі складзена з тоўшчаў алювіяльных і водна-ледавіковых адкладаў, моцна забалочаная, укрытая яловымі лясамі.

Галоўныя прытокі: Ліярд, Арктык-Рэд-Рывер, Піл (злева), Вялікая Мядзведжая (справа).

Жыўленне снегава-дажджавое. Вясенне-летняя паводка. Ледастаў з кастрычніка да мая.

Даўжыня суднаходных шляхоў усёй сістэмы 2200 км (ад Уотэруэйса на рацэ Атабаска да порта Тактаяктук на ўзбярэжжы Паўночнага Ледавітага акіяна).

Найбольш населенныя пункты: Аклавік, Інувік, Норман-Уэлс, Форт-Норман, Форт-Провідэнс.

Рака Макензі была адкрыта і ўпершыню пройдзена ад вытокаў да вусця А. Макензі ў 1789 годзе, названа ў яго гонар.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 9: Кулібін — Малаіта. — 560 с. — 10 000 экз. — ISBN 985-11-0155-9 (т. 9), ISBN 985-11-0035-8.