Мора Бофарта

Мора Бофарта
Размяшчэнне	Паўночны Ледавіты акіян
Краіны	Канада і ЗША
Плошча	476 000 км²
Найбольшая глыбіня	4683 м
Сярэдняя глыбіня	1004 м
Асноўныя ўпадаючыя рэкі	Колвіл, Макензі, Firth River[d], Kongakut River[d], Kuparuk River[d], Sagavanirktok River[d], Anderson[d] і Clarence River[d]
Мора Бофарта
На Вікісховішчы

Мора Бо́фарта (англ.: Beaufort Sea, фр.: mer de Beaufort) — мора Паўночнага Ледавітага акіяна. Абмывае паўночнае ўзбярэжжа Паўночна-Заходніх тэрыторый, Тэрыторыі Юкан, і Аляскі. Да мора прымыкае заходняя частка Канадскага Арктычнага архіпелага. Паўночна-заходняю мяжой мора Бофарта лічыцца лінія ад мыса Барау (Аляска) да мыса Лендс Энд, востраў Прынца Патрыка. Плошча мора каля 450 000 км ². Сярэдняя глыбіня 1004 м, найбольшая — 4684 м. У мора Бофарта ўпадае р. Макензі. У паўднёвай частцы тэмпература паверхневых водаў каля 4 °C, салёнасць 28 ‰; у паўночнай — тэмпература −1,5 °C, салёнасць каля 32 ‰. На працягу года ўкрыта льдамі.

Назву мора атрымала ад імя брытанскага гідрографа і адмірала сэра Фрэнсіса Бофарта.

Літаратура

• Бофарта мора // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).

Спасылкі

• На Вікісховішчы ёсць медыяфайлы па тэме Мора Бофарта