Малочнае

Малочнае
Морфаметрыя
Вышыня над узроўнем мора	121,6 м
Даўжыня	2,35 км
Шырыня	0,44 км
Плошча	0,78 км²
Аб’ём	0,00128 км³
Даўжыня берагавой лініі	4,81 км
Найбольшая глыбіня	3,3 м
Сярэдняя глыбіня	1,64 м
Басейн
Выцякаюць	Пыранка
Размяшчэнне
Краіна	Беларусь
Рэгіён	Гродзенская вобласць
Малочнае
Малочнае

Мало́чнае, Мало́тнева — возера ў Беларусі, у Гродзенскім раёне Гродзенскай вобласці, за 30 км на паўночны ўсход ад горада Гродна, каля аграгарадка Парэчча, у басейне ракі Пыранка (выцякае з возера).

Плошча паверхні 0,78 км². Даўжыня 2,35 км, найбольшая шырыня 0,44 км. Найбольшая глыбіня 3,3 м, сярэдняя — 1,64 м. Даўжыня берагавой лініі 4,81 км. Аб’ём вады ў возеры 1,28 млн м³.

Катлавіна возера лагчыннага тыпу, выцягнутая ў напрамку з паўночнага захаду на паўднёвы ўсход. Схілы катлавіны вышынёй 4—5 м, пад лесам, участкамі на паўночным захадзе і паўднёвым захадзе разараныя. Берагі высокія, на захадзе і ўсходзе абразійныя. Дно сапрапелістае.

У возера ўпадае ручай і выцякае рака Пыранка.

Літаратура

• Мало́чнае во́зера, Малотнева // Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — С. 239. — 415 с. — 10 000 экз. — ISBN 5-85700-133-1.
• Мало́чнае во́зера, Малотнева // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 36. — 10 000 экз. — ISBN 985-11-0035-8. — ISBN 985-11-0169-9 (т. 10).
• Мало́чнае во́зера, Малотнева // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — С. 287—288. — 588 с., іл. — 10 000 экз.

Спасылкі

• Агульная характарыстыка азёр Гродзенскай вобласці // Даведнік «Водныя аб’екты Рэспублікі Беларусь» Архівавана 30 кастрычніка 2020. (руск.)
• Морфаметрычныя параметры азёр Гродзенскай вобласці // Даведнік «Водныя аб’екты Рэспублікі Беларусь» Архівавана 30 кастрычніка 2020. (руск.)