Марыс дэ Вламінк
Марыс дэ Вламінк (фр.: Maurice de Vlaminck; 4 красавіка 1876, Парыж — 11 кастрычніка 1958) — французскі жывапісец і графік. Прадстаўнік фавізму.
Самавучка. Фарміраваўся пад уплывам В. ван Гога і П. Сезана. Раннія творы (пач. XX ст.) дынамічныя па кампазіцыі, напружана-кантрастныя і крыкліва-зыркія па колеры і пейзажы: «Чырвоныя дрэвы», «Дом пад дрэвам», «Цырк», «Нацюрморт з яблыкамі» (усе 1906), «Баркі на Сене» (1907), «Буксір каля Шату» (1908), «Кветкі» (1909); партрэт «А. Дэрэна» (1905), «Аўтапартрэт» (1912) і інш. Творам 1920—30-х г. («Руэй-ла-Гадэльер», «Царква ў Авер-сюр-Уаз. Памяці ван Гога») уласціва драматычная экспрэсія, змрочны каларыт. Працаваў у галіне станковай і кніжнай графікі (гравюры на дрэве «Жаночая галава», «Аржэнтоль», літаграфія «Сен-ле-Таверні» і інш.).
Літаратура[правіць | правіць зыходнік]
- Буйвал В. Вламінк // БЭ ў 18 т. Т. 4. Мн., 1997.
