Матоле (народ)
| Матоле (Natinixwe) | |
| |
У рэзервацыі матоле
| |
| Агульная колькасць | 29 (2000 г.) |
|---|---|
| Рэгіёны пражывання | Каліфорнія |
| Мова | матоле |
| Рэлігія | шаманізм, анімізм, хрысціянства |
| Блізкія этнічныя групы | хупа, атабаскі Вугровай ракі, талова, тутутні, ката |
Матоле (саманазва: Ni'ekeni; англ.: Mattole) — атабаскі народ, карэнныя жыхары поўначы Каліфорніі (ЗША). Колькасць у афіцыйнай рэзервацыі (2000 г.) - 29 чал.
Да сярэдзіны XIX ст. насялялі рэкі Матоле і Мядзвежую ў паўночнай Каліфорніі. Займаліся ловам ласасёў, паляваннем і збіральніцтвам. Адзінага аб'яднання ў матоле не было, аднак яны размаўлялі на супольнай мове і адрозніваліся ад іншых індзейцаў Каліфорніі традыцыяй рабіць татуіроўкі на мужчынскіх тварах. Назва матоле была дадзена ім суседнімі народамі.
У 1857 г. у даліне ракі Матоле былі заснаваны земляробчыя гаспадаркі амерыканскіх фермераў, што прывяло да сутычак з тубыльцамі. У 1858 г. матоле пагадзіліся падпісаць мірны дагавор і былі пераселены ў рэзервацыю Мядзвежай ракі, дзе іх нашчадкі жывуць разам з віёт.
Апошні носьбіт мовы матоле памёр у 1950-я гг.